Yanos (Aller)
Textos : -El fíu de Zoaco.  |
|
LLanos/Yanos. Lugar de la parroquia de Santibáñez de la Fuente (Aller). Sus barrios son: Llanos, La Cotarrietxa, El Conceyu, La Txastra, La Corralá, La Capilla, La Cantera, El Casqueyu y el Cantón. Llanos conserva tres milinos, aunque fuera de uso.Tuvo cinco molinos y dos rabiles. Hay una trova que emplea muchos apodos:
En Santibáñez, santinos.
en La Fuente, txabaneros.
en Llanos, cortecinos.
en Pino son curiosinos.
que inserten los castañeros.
y en la Felechosa, grandes burros y vaqueros.
|
El fíu de Zoaco
Xoacón el de la arbolea,
un molineru d´antañu,
tan puxantecom´un toru,
tan ñoble com´un güe mansu,
tuv´un fiu a quien quería
como a sí propiu, El mochachu,
mu docilote de suyo
y güeno ´l como el pan blancu,
yera miedosu lo mesmu
q´un ratón y más tacañu
que ´l avaricia; perruca
que l´atraba ni el diablu
golvía a vela so la tierra,
que los carambelos llargos,
les crucetes, les madames
rosquiyes y mantecaos,
ni ena fiesta de la virxen
yera capáz de comprarlos,
que por natural estintu
más estimaba ´l babayu
la pesesión del dineru
que ´l gustiquín de gastalo.
Por otro llau….. y se sabe;
non tuvo so madre a salvu
ni azúcara, ni mantega,
ni lleche, ni figos pasos,
ni cuayaes ni formigu
con el llambión del moscardu.
Aunque lo escondiera tóo
enes madreñes de Xoaco,
poniendo los escarpinos
enrriba pa bien tapalo,
y ´enterrara les madreñes
en cuchu…….¡recoime!…. en cuantu
ponía la nariz al ´aire
diba lo mesmo q´ un rayu
a la ñerada derechu,
y dexábala temblandu.
Cuando camin de la escuela
estruxaba ´l silabariu
sin conocer una lletra,
y ´ eso que llevaba un añu
de soletrar, por oílu
decín los otros ñeñacos:
-Gabriel, la o ye redonda,
la i tiesa com´un palu,
la ese una taravica,
la jota un cayau p´abaxu,
la iquias una cruceta,
la te una cruz con un rásgu,
la eme tres garabinos
que bailotien el fandangu,
la ene dos, y la erre
San Xuan col deu apuntando.
Y si dimpues de la burla
l´arrimaben un sapapu
non tenía el probe coraxe
pa degolver el agraviu.
Xoacón que s´apolmonaba
co estes coses, el dañu
quiso atayar, y una tarde
con´un civiellu d´ablanu
d´esos que al cortar al aire
siempre lu corten xiblando,
llamó also fíu y le dixo:
-Ascucha bien: el vigardu
q´a los ocho años, y el picu,
más q´un duce estima un cuartu;
el que por cualquier ñeñuco
se dexa dar de trastazos,
sin que ifienda de seguida
les narices d´un cantazu,
ya tien munchu a cuenta suya
pa ser un home villanu
Y´el rapaz que va a la escuela
y´está ena escuela dos años
sin conocer una jota
ni escribir un garabatu,
ni tién pizca de vergüenza,
ni deseos de ser algo.
Pa que sípias q´el dineru
lo fixeron pa gastalo,
y dexar sólo una parte
pa que remedie los daños
que Dios nos únvíe y les penes,
del probe que pide amparu;
pa que sépias que nel mundu
el floxu y ´el mentecatu
ye el faime riil de toos
y de toos humilladu;
pa que sépias q´el borricu,
el inorante y babayu
non puede ser da qué cosa
anque llegue a millonariu………
toma, toma, toma ……. y toma,
y arreoi tales varazos,
sin atender a llamentos,
que no i dejó huesu sanu
Dimpues de la escorribanda
quexo entovía mandalu
a cortar vares de fresnu
y civielles d´avellanu,
porque pensaba sin dúa
dai corríes a diariu.
-Eso si que non, recoime,
dixo Gabriel sollozando;
anque me quede sin perres,
anque me maten a palos,
anque tenga que tragarme
los libros, verá si aparo
hasta que sea dadivosu,
hasta q´escalabre a cuatro,
hasta lleer de corridu
y´escribir en papel blancu,
sin cuadriquinos pol medio
ni muestres de tres al cuartu,
que osté, padre, ya maestro
demasiao duru de manu.
Al mes ya se destenguía
por fuerte, estudiosu y blandiu
de corazón, del tal modu
que yera el orgullu y plasmu
del lugar: lleía corriendo
y escribía con un gárabu
a falta de meyor pluma,
y a les güeltes de los años
naide más reciu, más ricu,
más dichosu y más honradu.
………………………………………………….
Al vevos hoy reuníos
en esti hermoso treato,
traendu dineru al probe
y gozu a la vida, cháchos
acordéme de la historia
de Gabriel el fíu de Xoaco,
que pa vosotros jué ´l mundu
el civiellu d´avellanu
que vos cimbrió les costielles;
les penes y desengaños
los raspazucos burlones;
les probeces y quebrantos
el ansia d´apañar oru
pa escondelo y non gastalo.
Ya veis; la unión ye la juerza;
la caridá lo más santu
que Dios a la tierra trixo,
Y´el estudiu y ´ el trabayu
lo que dá conocimientos
y apetecible descansu.
Recibí mi norabuena
y non aparteis del cantu
de la memoria esta lletra
d´aquel cantar asturianu;
“Válgame la virxen pura,
válgame San Caralampiu
el que va por güen caminu
llegará al fin deseadu”.
Carlos García-Ciaño Canto
Antoloxía Poética.
Comentarios
Publicar un comentario