Tellego (Ribera de Arriba)
Textos:
-A la memoria de Jovellanos.
-La confesión de una neña.
-Mio cara.
-Carta de Perico a Pepa.
 |
| Tellego. Aldea y parroquia del concejo de Ribera de Arriba. Delimitada por los ríos Nalón y Caudal. Tiene una población de 213 habitantes, repartidos entre los núcleos de Entrepuentes, Las Meanas, La Mortera, Sardín, Tellego y Vegalencia. Tellego se encuentra situada a 260 m de altitud en un espolón que desciende desde el pico el Gato, dominándose desde el lugar los cursos de los ríos Nalón y Caudal en su unión en la localidad de Entrepuentes, así como el Monsacro y el Aramo. Dista 1,5 km de Soto de Ribera. La iglesia parroquial de San Nicolás data del siglo XVII y sustituye a una fundación medieval anterior, del siglo XII, de la que solo se conserva la pila bautismal. Celebran San Nicolás, el primer domingo después del 9 de mayo, y el Sacramento el 15 de agosto. Diccionario geográfico de Asturias. - |
 |
Faciase l´oliuto........ un formigueru
Del Fontan el treato, mialma yera;
¡ Cantaba Tamberlick, isi xilgueru
Que conóz y palmió la 'Uropa entera:
Al oillu, 'n el pechu gayasperu,
Reblinca ' l corazon, y á la mió vera
Non faltó quien dixés, ¡ay ! ¡ qué bien canta !...
Tien una paxarera ´na garganta.
Tamberlick, quien á probes y á señores
Tochos vólvi cantando... ¡ tal lo imprime!
El que llamen el rey de los tenores
Y nos dexa ablucáos cuando xime:
Al que Dios el camin semó de flores
Y xurara 'l mirallu tan soblime,
Que mas d' un anxelin fái memoriales
Pa que rixa los coros celestiales.
Magar d' aquisti pueblu trió 'l suelu
Algámense las fiestas y fonciones;
Y al que nos fai oyer cantos del cielu
Con festeyos pagamos y corones;
Tal pruyiciu hay d' oillu, tal anhelu,
Que por colar primero hay tellerones,
Y el q' abaxo no merca una tayuela
Vá á echar un fervoriz á la cazuela.
Yo 'n nome de la xente que t' admira
Un abrazu te doi... déxame ufanu
Ya que 'n llaviegu se trocó miólira
Que te pueda falar com' á un hermanu;
Quien te llame estranxeru diz mentira
Por yes tan español como italianu (2);
¿ D' ú yé 'l sol ? ¿ non alluma ' l mundo enteru ?
Un xéniu como tú, non ye 'stranxeru.
Poesía en dialecto asturiano - Teodoro Cuesta. Oviedo, 1882.
|
 |
A LA MEMORIA DE DON GASPAR MELCHOR DE JOVELLANOS, EN EL ANIVERSARIO DE SU NATALICIO
Si fora quitar muezques a un focetu,
o semar o coyer fabes o arveyos;
si como toscu so, fora discretu,
y toviés d’estudiar fartos los gueyos;
si la cencia (que falta) a lo paletu
–y pegase un calón, mozos y vieyos
palmiaren y non vieren del pazguatu
que fai de don Gaspar isti retratu.
Homilde, sabiu, ñoble, bon cristianu,
xenerosu, xentil, fiel, caballeru;
bonu a carta cabal, senciellu y llanu,
ídolu sepo ser del mundu enteru:
de los probes padrín, cual ñaide humanu
con cebera, conseyos y dineru
más llantos enxugó que cien cascaes
d’agua arrastren consigo desbordaes.
Yera so voz dulcísima xiblata
y al falar de so patria, entusiasmáu,
el mesmu Cicerón sólo una rata
en concencia non más yera a so llau;
vasallu del deber falaba en plata
que ansí cumple al que ñaz y muer honráu,
non como agora faen los mandones
qu’un día dicen pares y otru... nones.
¡Probe de mí! Sin pizca de talentu
¿cómo s’atreve a prenunciar mio llabiu
to nome ¡oh gran patriciu! que portentu
foste del universu polo sabiu?
Mas, ¡carape!, ye tantu’l mio contentu
de ñacer to paisanu, que l’agraviu
m’habrás de perdonar, que l’alma mía
trasvierte al recordate d’allegría.
Xixón, tacina d’oru, foi so cuna;
allí vio l’anxelín la lluz primera...
¡Cuántos pueblos–y envidien so fortuna
pos tienra madre ye de tal llumbrera!
Non hai alma viviente allí, dinguna,
que al nombrallu lo faiga con montera:
y al cellebrar so santu, de contentu
mil y mil ixuxús llancien al vientu.
La muerte, con sos recies gadañaes
calabre d’illi fexo... pero’l muertu vive a
gora a la par en mil ciodaes,
por más que nel sepulcru lu veis yertu;
los qu’asturianos semos, sos bondaes
pagaremos gritando de conciertu,
bendiga de so castra los retueyos
el Siñor, y nos dexe velos vieyos.
Uviéu, 3 de xineru de 1872.-
|
 |
LA CONFESIÓN D’UNA NEÑA
Mire, siñor Cura, tengo
mu tranquila la concencia,
y, porque de mi marmuren,
non crea que me da pena.
Voi cunta–ylo. Mui temprano,
el domingo de la fiesta,
salí de casa pa dir
polos enriedos; la cesta
bailaba ¡así Dios me salve!
enriba de la rodiella
P’atayar, baxé pol prau,
y al saltar la saltadera,
vilu venir, ¡qué güen mozu!
delantre de la parexa.
El non me via a min; traía
sobre un hombru la chaqueta,.
La camisa, muy blanquina,
como el piscuezu–y apreta,
dexóla desabrochá
pa qu’ansí, la nuez fixera
golgoritos al cantar
aquella voz sana, fresca,
como la de una calandria
qu’a sentir celu escomienza.
Cuando–y pude ver los güeyos,
un pocoñín más de cerca,
¡por poques caigo en bardial!
¡díbaseme la cabeza!
¡Qué carina! ¡Qué bigote
fechu con filos de seda!
Al allegar a mio llau
cantó: “Diz la mio morena
que me quier más qu’a delgunu”.
Miró pa la saltadera
y apreguntóme: ¿Verdá?
Púnxeme na carretera
d’un blincu. Quixe deci–y:
¡Sí, quierte la to morena!
Pero, ¡non pude! El gañote
empapiellóme la llengua.
Cogílu entós pol piscuezu,
baxé–y p’acá la cabeza,
y por no poder falar,
di–y un besu....................
Sí, vergüenza,
tien que me dar el cuntalo,
pero… la verdá non ye esa.
¡Yo, señor, no lu besé!
¡Lo que–y di, jue...la rispuesta!...
Faustino Cifuentes García.-
|
 |
MIO CARA
y si feu os paezco quiciaes o abondo vieyu,
fui como flor de mayo cuando yera retueyu,
que ansí l´oyí a mio güela y se por cosa clara;
y si por menos viese el que más l´arrepara,
dirévos que ye blandia y fina de pelleyu,
pos siempre fó del alma fiel retratu el espeyu;
¡Sinón quiciá otru gallu me cantara!
y preba que non plasmen a naide sos güeyones.
Conque si algún s´enoxa, non me mire pa ella,
q´hoi por hoi, a Dios gracies, non tó por qué escondella Ye qu´en semao d´arbeyos plantella d´espantayu y fó la moxiganga del ñerbatu y del glayu,
y enriba ´l cocorote blincaron los gurriones.
Fabriciano Gónzalez García. "Fabricio".-
|
 |
Dexáila que llore
que el llantu ha alliviála.
Dexáila que llore
la probe el sol mal.
Ye mal de querencies
del que llega adientro
y si agarra firme
ya nunca más sal.
Dexáila que llore
que el llantu consuela.
¿La proba en’a vida,
ya que ha de face?
Los males del pechu
son males sin cura;
El bien que se esmuce
non ha de golver.
Miráila. Apagósei
la risa en los llábios,
ye la luz d’ un pabilu
la del so mirar
posaos los güeyinos,
sobr’ un cuando fala,
en sin brillu, solu
saben ya llorar.
La cara melguera.
rosina trempana,
que nunca más guapa
nel pueblu se vió;
ye hoy per les sofrencies,
farta de velorios,
com’ una azucena
que el vientu xeló.
Raitanina lloca
qu’ayeri allegraba
la quintana; juente
de claru cristal,
que como en’a juente,
el cántigu nella
yera como cosa
del su natural;
ya se-i olvidaron
aquelles tonáes,
y hoy páez la quintana
pal qu’un día la oyó,
que tien la tristura
d’ un xaulón vacíu
del qu’ el regoltosu
paxarín voló.
Palomina blanca
palomina inocente,
que apartóse un día
del so palomar,
y al tender les ales
po’ lo azul del cielu,
de manes a boca
topó col milán.
¡Probina rapaza
cómo lu quería!
¡Picaronzón de home,
cómo la dexó!
¡Non-i quedó siquiera,
el consuelu d’otres;
el de ella, anxelucu,
al nacer morrió!
Quedóse la probe
a soles consigo
y co la vergüenza
del su mal aquel.
Llorando les penes
que l’alma y llenaron;
llorando, llorando
¡y pensando n’él!
Dexáila que llore,
que el llantu consuela.
Dexáila que llore
la probe el so mal.
¡Ye mal de querencies
del que llega adientro,
y adientro s’agarra
y ya nunca sal!
José López de La Fuente. El progreso de Asturias 1921.-
|
 |
Carta de Perico a Pepa
Con el corazón partíu po la envenenada flecha
que con tos devinos güeyos en él me llantaste, Pepa, hoy escribo estos ringlones ablucándome la pena con qu´espero temerosu y homildicu to respuesta. Perdona si d´atrevíu quien alloriáu está, peca, qu´el amor non arrepara y enoxate non quixera. Decite que yes guapina, ye pa tí cosa tan vieya que ya fartuca d´oillo debes estar en concencia.
Díztelo además la fonte cuando te mires en ella, y les mil agarradielles que s´entamen á to puerta. Decite que to garganta á la cuayada avergüenza y que á ella comparáa ye la nieve, al baxar, prieta; Decite que dos lluceros tienes por güeyos, mió neña, qu´allumen esa boquina en qu´escuendes tanta pelra, sábeslo ya: ¡qué milagru ye, Pepina, que lo sépias si al vieyu y al rapazúcu tochos ves á to presencia! ¿Quién colar puede y miráte viéndote tan gayaspera sin paráse, pa decite un recadín á la oreya? Bien lo sabes, y á ignorallo muy claro te lo dixera la envidia de les rapaces y sus focicos d´á tercia. Pero lo que tú non sabes, alegría de l´aldea, tesoru de la parroquia, y del conceyu la reina, ye ´l cariñu que te tengo…… cariñu que non me dexa descansar una migaya por más qu´el sueñu m´apierta. Nin de día, nin de noche, ni en casa, ni en la panera, un llabor fago que preste…… d´afechu estoy sin cabeza. ¡Porque tan chusca te ví del Cármen en ´a foguera! ¡Ay! el habete mirao cuántes llágrimes me cuesta! Yo que con los paxarinos tenía en madrugar tema y abandonaben el ñeru al tiempu que yo la fueya; Yo que gozosu baxaba cantando pe la caleya co los preseos al hombro antes qu´aclaráo hubiera; hoy galvaneru , ceñudu, tengo de falar pereza, y tumbáu paso ´l día del hórrio en ´a talambera.
Sospiro sin remediallo al fin morreré de pena, pos vivir sin tu cariñu ye morrer dos veces, Pepa. ¿Nunca cuidé qu´el amor tan tercu y dañible yera! ¡Ay! de mí; tanto adelgaza como la fame más negra.
Dígolo yo, que perdíu me vía ´l calzar la media, y hoy pa rellenar los fuelles que me facen, meto yerba. Pingaben de les espaldes tayaes de blanca febra, y hoy vésemes del rosariu la más pequeñina cuenta. Al atacar los calzones si fago un poco de fuerza, meto (como soy Perico) los deos pe la vaniella. Si me pongo en carnes vives al reparar mió flaqueza, el home de mayor fuelgu atristayau empapiella Repárame les vidayes ye ver una calavera, pos tengo dos fondigáes como culos d´escudilla. Facu, perflacu quedé; non te digo más, mió reina, que los niñinos al veme, fuxen como de la güestia. Triste, desmanganiyáu, co la mano ´n la mexella, solo pensar en tí faigo sin qu´el tiempu me provezca. Mas qu´una cuadra de palos tarrezco echáme ´n concencia, pos si aporta qu´el cansanciu los güeyos al fin me plieslla, tengo sueños que m´ enriten y fechu una sacabera pego corcobos y berro lo mesmo qu´una nuviella. ¿Y sabes en qué consiste? En que suaño qu´estás muerta, ó que t´echó la presona un mozu á quien mires tienra.
¡Ay, santu ánxel de la guardia! líbrame qu´esto asoceda……… ¿Si pel sueñu soy ansina dispiertu qué non fixera? Solamente de pensallo se m´enriza la mollera y los niervos al llatime llevántenme la chaqueta. ¿Non merez quien te quier tanto qu´ un poquiñín tú lu quieras? Escurro que sí, á non ser el to corazón de piedra Pero non; siendo tan guapa tenellu debes de cera, y barrunto qu´amorosa quitarásme tanta pena. En fin, pa salir de dudes te soplico que sin pérdiga de correo, me contestes diciéndome lo que sientas. Si consientes en quereme, si ye ansina to respuesta,
ixuxús llanzaré amiga que s´oirán d´una legua.
Mas si ´l contrario dixeres que t´enoxa mió querencia y qu´ utru mozu ye ´l amu del bien que Pedro desea, entós…… entós…. adios mundo, morreré, cruel Josefa, contra un pegollu del horro desfaciendo la mollera. Non te canso más, querida; dispon como meyor quieras del que por querete tanto vive fechu una llacéria. Perico.
P. D.
Desemula si esta carta por non te la enviar abierta
la cierro con pan mazcao, por non tener una oblea……….
Teodoro Cuesta.-
|
 |
| Añadir leyenda |
Comentarios
Publicar un comentario