5ª Etapa Ruta de las Peregrinaciones a Covadonga (La Matosa -Cangas de Onís) - Salida con grupo de Montaña Naranco (Oviedo)
Textos: -Para ver cúmo taba. -El diañu. -Un payo falando solo. -Un tenorio de caleyes. -El indianu- -Jabla y habla. -El Nuberu. -El pueblo hoy. -En el llagar. -El descasamiento. -La canción de los caminos. -Veraneu baratu. -Refranero. -La Guestia. -La muerte del xilguerín. -Muerte- Plantas y frutos. -La panera vacía.- Truán, Enrique (1905-1995) - arr. Pa ver cúmo taba Anantes la vida non yera cumo agora. Las mozas dexábanse respetar muncho más ya nun andaban d´unu en outru cumo un trapu. Porque hoi ye too un relaxu que mete miedu, ya a los mozos da-ys lo mesmo que ten fartucas d´andar con unu que con venti. Nun m´estraña que nun duren nin dos días de casaos. Alcuórdome siempre que Xulio ´l de Carmina dicía que los novios diban al matrimoniu cola ilusión de ver na nouche de bodas lo que nun vieran anantes. Mira tu qué van ver hoi si namás conocese yá andan revolcaos cumo si fuoran perros. Ye verdá que los tiempos cambiaron abondo