Entradas

Mostrando las entradas etiquetadas como Drácula ye teberganu (Comedia Asturiana)

Drácula ye teberganu (Comedia Asturiana)

Imagen
Drácula ye teberganu Comedia incalificable d´un actu que consta de dos partes: un monólogu a mou d´afirmación científica que demuestra ´l fechu del títulu y la so representación. PARTE PRIMERA   (N´escena, col telón cerráu, el monologuista) Esta tarde van tener ustedes la oportunidá d´asistir a un acontecimientu históricu, ver representada la verdadera hestoria del famosu Conde Drácula. Nella vamos dir afayando la so procedencia, les sos costumes y la so muerte. Pa ello ye imprescindible que primero me conozan a mi. Yo llámome Lin. Mio ma, que tuviere otros siete fíos enantes de mi, púnxonos nomes bien orixinales, nomes que de xuru nengún d´ustedes oyó enantes: Xosé Manuel, Xosé Luis, Francisco Xosé….esto pasaba tamién col restu los vecinos, Xosé Enrique, Luis Xosé, Ramón Xosé, etc. Total qu´a la fin toos se llamaben Pepe y, claro, cuando mio ma asomaba a la ventana y glayaba: ¡Pepe, a cenar! metíense en casa los pepes d´ella y tamién los de dalguna otra vecina. P