Bárzana de Quirós -Coañana (Quirós)
Texto:
-Cantar y más cantar.
 |
Bárzana. Parroquia y villa capital del concejo de Quirós. La parroquia de San Julián de Bárzana está situada hacia el centro del concejo, en el fondo del valle del río Trubia. Agrupa además de Bárzana, la capital, los núcleos de L´Arroxín, La Casa Vides, Cuañana, El Pandu, Pontonga, Ranu, El Regustiu, Santa Marina y El Vallín. Dista 43 km de Oviedo. Hay un interesante Museo Etnográfico.
|
 |
| Cantar y más cantar
Si el cantar, si el poner cara de risa De que unu ye dichosu fós la seña. Quiciás la dicha tóa d´isti mundu Tendrínla los paisanos en aldea. Y el que diz en aldea diz ´n Asturies. Rinconcín de mió amor, de xanes tierra; Tanto más encantada y petecible Cuanto á Dios debe solu so guapeza. Anduvi pe la tierra en que cuntaben Que los Campos Elíseos Dios punxera, Y en pruno á lo cimero fúi del monte, Qu´entierró con un gómitu á Pompeya; Vi enllazase los álamos crecíos Co la parra que d´un en utru cuelga Y palacios, y estatues, volo tóo, Pos sentada na mar miré a Venecia. Y faciendo al mió modu comparances, Co la idea p´Asturies siempre güelta, Non topaba daqué qu´asemeyara Lo que nella entamó la Onipotencia. Y, antes d´eso, y allá en miós mocedáes, Pe los montes anduvi á mió faena, Y al véme na más alta cuguruta, Abaxo el mundu, el cielu na cabeza.... ¡Qué nonada tan grande paecía Lo que facen los homes! ¡ qué miseria! ¡Qué maxestá, Señor, yera la tuya! ¡ Qué grande vi yo entóncenes to grandeza! Del Aramu que tién la primer ñeve, Qu´espolvoriast´enriba de la tierra, Faciendo espayaderes de los aires, Y de les nubes fiendo la peñera, Tempranino miraba pal Saliente. Y llonxe, medio engüeltos co la ñebla Finina, traslluciente y sonrosada, Con qu´el alba se viste nsi qu´espierta. Y pasando p´ent´ellos los rellumos Tristes, que entós da el sol con so llinterna. Alzase via d´Uropa los xigantes Faciendo á Covadonga centinela. Y allargando la sombra hasta mirase. En el llagu d´Enol : vía el Auseba. Que afuraca de Orandí á so la Virgen, Fondero, despeñándose allí el Deva. Casi al frente, del llau de Colunga, Llevanta el puertu Sueve su cabeza, Que i dió á Roma los potros asturcones Que subín de rodíes una cuesta. Allí baxo tá el monte de Naranco, El que engarzáa tien aquella perla, Que á la Virgen llabrói el Rey Ramiru, Desque llimpió de Asturies la vergüenza. Y al par d´ella aquel utru blincu de oro del Santu San Miguel, del que con pena Güelvo tristes , muy tristes , los miós güeyos De ver que de si mesmu ye güesera. Y mirando pa entrambos t´allí Uviéo, Al que i punxo quiciabes Don Fruela El cercau non más, pos ya Santiago Nelli el primer discípulu escoyera; Que ansina, nel Pilar de Zaragoza, Un vieyu pargamín hay que lo reza. A miós piés ta el Monsagru con so ermita, Que nos siglos sirvió d´escondidiella A les Santes Reliquies, qu´en Uviéo Todu el mundu cristianu reverencia. Pel Poniente hay les sierres de Bedures, Qu´el feniciu furó la vez primera, Y tras elli, el romanu que sacaba Co les venes de sangre, de oru vena. Entovía se topen les migayes Per un llau y per utru, ,y per Navelgas; Y baxando pel río á Cornellana Cuéyenles los paisanos nel arena, Que mezclen con el zogue y dempués llaven Regolviéndolo xuntu nuna duerna. ¿Qué tó decir de Cangues, nin de Pravia, de les Luiñes, Caranga y de Teverga; de Grao, de Quirós nin de Proaza, O sitios qu´endayuri el güeyu viera? Yo non tengo palabres pa explicallo, y déxolo p´algunu que más sépia. A lo llargo, mirando pa Castía. Está la enrevesada y alta sierra, Que allega dende el mar de Meudía, Espurriendo los piés, á Finisterra. ¡Y pel mar!.... Dexarelo pa utru día, Que sinón va levame muncha xera. Pos falta por falar lo que Dios sabe, ó quiciás se me acabe la pacencia. Ente montes y montes, tantu valle, Tantu ríu se atopa y arboleda, Tan hermosu, cad´unu pel so estilu, Que si dan á escoyer naide escueyera. ¿Quién ye el que pintar puede el Paraísu, que dende Sobrescobiu á San Esteban quier dicir, desque naz fasta que muerre, per ú pasa el Nalón con si agua riega? Aqui mansiquin cuerre per un valle, allí furó una bóvada na peña, Acá fierven y guíen los rabiones, allá, si un peñadal el sitiu estrencha, o encuéyese y apierta un poco el pasu Ó, chando golfaráes, salta juera. Más abaxo y abriéndose en dos brazos, una isla, pa xanes nellos dexa, Mientres d´aquí y d´allí más ríos baxen a xuntase con él á la carrera. Da nun llau les truches regaláes en utru les angüiles y llamprea, Acá cria á montón esguinos rales, Les traines, allá, de salmón llena. Y todo ello ente un agua cristalina, que uanto hay fasta el suelu trasparienta, Y arrodiáu de praos, montes cases. De espesura y verdor per cada vera. Aquí yera el cantar, aquí el riíse. Si el riíse y cantar de dicha e seña, Pos aquí tóo canta y rise tóo, Flores, páxaros, aire cielu y tierra.
 |
Les fontes están siempre marmullando,
al gorgolar el agua de la peña,
Y los páxaros van de rama en rama
Cantando sos amores en so llengua.
El regatu paéz que canta y llora,
De guixarru en guixarru y piedra en piedra,
Y les rames abáxense á besallu,
Falagándose él á la carrera.
Y dándoyos un besu en cada pómpara,
Que al xuntase con elles arrevienta.
Enriedáu con unes y con otres,
Paéz qu´apara un poco y arrepresa,
Pero enseguida esmuzse callandino,
Pos utres más abaxo tan na espera,
Y á tóes elles quédenyos pingando
Goteres como llágrimes que is dexa.
El aire arriba, agua abaxo, les ximielga,
Y á poneles pingando y á secalles
Celoses un del otru van á tema.
Rí que rí, sin parase á tomar fuelgu.
Tan los grillos cantando na praera,
Galana co les flores á millares,
Que non más que la mano de Dios sema.
Per escayos y sebes ropielláos
Campanines, villortos, mariselva,
Ente piñes de amores negres, roxes,
Que á miel saben, coídes pe la fresca;
Del cenoyu, el oriéganu, ortelana,
De todo ello, faciéndose una mezcla,
Arreciende un golor que.... non se sabe,
Pero l´ alma adormez y el pechu enllena.
A la vera del río, en que una nasa
Del cañal al remate truches piesca,
Remangáu el calzón á los cadriles,
Un rapaz corta un ramu de salguera,
Y sacándoi con maña, en sin quebrasei
El cañutu que sal de la corteya,
Igua arteru un xiblatu con que toca
Al compás del sonsón de la reguera.
Disti sen, á la sombra los carbayos,
Apeluquen les vaques herba fresca:
Si echa el mozu que llindia, una tonada,
Arruxiden á quien más y meyor canta,
Sonsañándose el son y la cuarteta.
De utru sen, p´ente espesos castañales,
Que cada ún tién un bálagu de fueya,
Sonen gaita, tambor y volaóres
Que fan en sin querer alzar la pierna.
Ye que van con un ramu de seguío,
Nin sé si pa Llugás ó pa la Cueva.
Nun fechu de rosquíes y panoyes,
Sinón qu´el ramu ye de una nuviella,
Galana, roxa, llúcia y encintada,
Y tá ye poco pa quien ye la ofierta!
 |
Cuesta arriba blincando van les cabres, Tosquilando llambiones la mortera; Y ansí que oy´el mozacu que les cúria Nutru escobiu ruxir dalguna llueca, Desataca el zurrón que trai na espalda, Saca d´elli torcía turullera, Da un toquíu qu´enllena les cañáes Y atendi si dalgun i da rempuesta. Per encantu, ó non sé qué tién el cuernu, De sos coses, sin vése, dánse cuenta Con tal arte, que ye una maravía Que naide, á non oíllo, lo creyera. Ello ye que pel llanu, pe los altos, Per el ríu, pel monte y per uquiera, Faíga el llabor que fáiga el aldeanu. Que trabaye pa sí, qu´ esté de andecha. Tempranino, de nuechi, al meudía, Qu´el mundu té regüeltu ó quietu estea, Atentu al so llabor, él siempre canta, Ó satisfechu ó pa escorrer la pena. Si detrás de les vaques parezoses Regolvi col llabiegu fonda secha; Nel sallu, cuando rinquen el morgazu, Ó arralando el maíz cuando se arrienda, Ó al siegar el narbasu y facer cuques, Ó co la esquirpia de panoyes llena, Ir delantrón en cruz los brazos nella, Aunqu´entós el cantar ye aición de gracies al Siñor que i dió bona collecha. Cuando texe les riestres na esfoyaza, Ó, esbillando, el tarucu llimpiu dexa, Atentu al so llabor, él siempre canta Ó satisfechu ó pa escorrer la pena. Canta cuando pel sol del meudía Co les mesóries les espigues piesca. Ó na era á dos files con manales Máyales al compás y suelten la erga, Y cuando la rabila y les muyeres Bañen la escanda y en sin poxa queda.
|
 | |
|
 | |
|
 |
 |
 |
 |
| Cantar y más cantar
Cuando fái un magüestu también canta, Y na danza que se arma na foguera La víspera de un Santu, ó de la Virgen, Ó de la so Parroquia al ser la Fiesta. Allí y´el repicar de les campanes, Y el tambor y la gaita dir á tema; Allí y´el quemar árgomes á carros, Y de un llau y del utru, co la trienta De fierru, regolver los fogarales Que á la riodiad´allumen media llegua. El fumu, les llapiáes, les povises, Que cada una paéz que ye una estrella, Retórniense pel aire, y hasta el cielu Pón roxu el incendariu que allí quema. Y dempués, al danzar na romería, Canten unos delante la cuarteta, Y arresponde el xentío de la danza Cantando la Bendita Madalena. Por cantar há cantar también el carru Que hasta tién en la exe cantaera; Y si non canta bien, non ye de pasu, Nin arranquen los güés, pos tienen pena; Y anqu´ellos á dengunu lo cuntaron, Tiénlo el home chantao na mollera. A la postre el cantar tamién se acaba, Que nel mundu no hay cosa que non muerra; Pero el que canta entóncenes y´el cura Por el alma del muertu. En Gloria estéa.
|
Comentarios
Publicar un comentario