Martul

Textos:

-Verdá.

-Criados.

-Vanidad.

-Matrimonio.

-Honra.

-Regles pa mantenese güenu.

-Sinu (Llunes, martes, miércoles, xueves, viernes, sabao, domingo)

-Meses (Xinero, Febreiro, Marzu. )

-Cantares.

-Esperanza.

-Celos.

Parroquia del concejo de Villanueva de Oscos. Se extiende entre la parroquia de San José de Gestoso y Villanueva de Oscos, San Martín de Oscos, y Santa Eulalia de Oscos. Martul , se localiza al sur de la parroquia a una altura de 600 m, en una ladera sobre el río Barcia.

Verdá

Verdá desnúa del tóo cad´un vistela al só móo. Si lléves el candil de la verdá, la mano anguna vez t´abrasará. Ye meyor la verdá envinagráa que la mentira, mas que esté ´ndulzáa. 

Criados

Quien tope un criáu fiel, asitielu al empar d´él. El que sea bon criau, tien siempre amu asegurau. 

Vanidad: Paéz, el que vanu ye, al ciegu que non sé ve. En tarinos y en saber, delgunu cúrtiu quier ser. 

Inorancia

La inorancia y vaniá, naide estremállos sabrá. Los mayores estravíos, son de la inorancia fíos. 

Matrimonio

Has casáte con tó igual, si non quies xuncite mal.El que se quiera casar, tóa la vida lo ha pensar. Ye ´l matrimoniu, hoy en día, un xuéu de llotería. El q´acierta en el casar, non i quea ´n q´acertar. A la que has escoyer pa compañera mírala mas por dientro que por juera. Pocu dote la novia llevará si non lleva vertú y honestiá. De moza amiga d´emperexiláse, farán los mozos bien en escapase. Casar, casar, ruxe bien y sabe mal.  Una moza casada con un vieyu, ye, en poer d´un rapaz, un espertéyu. 

Honra

El que la honra perdió, puée dicir que morrió. Non éntre en casa un tarin si non bien por güen camin. Si quies ser home d´honor, fala bien y fai meyor. La xosticia ´n corazon y el honor ena opinion. 

Regles pa mantenese güenu

Les dolencies, llacéries y morrines sábese, y´stá abondo averiguáo que tóes, cuasi tóes, son debíes á ´scesos, y á la falta de cudiao. Nunca ´l botiellu enllenes cuando cómias; quéa con gana ´n tóes ocasiones; non ye ´l que mas engorda´l que más come, si non quien fai meyores les cociónes. Un descesicu, arréde, délles veces, asienta al cuerpu bien, soberbiamente; porq´aguixa ´l estomalo, y la sangre ponse lixera y cuerre guapamente. Ye la maña, comer les güenes fébres, torréndos y güen vino ( y non ye sano) en el inviernu. Les comíes juertes, menos dañibles son en el veranu. 

Sinu
Llunes

Los que ñacen en un llunes (con dalgunes esceiciones) suelen ser mu folganzanes, veletes y durmilones. Son blancos, repositaos, y dayos por embarcar: tamien por ser pescaores y en toes coses tratar. 

Martes

Estos serán enclináos á coses de religion y, como tou devotu, muy falsos de corazon; y de palabres, lo mesmo; gafos, y dalgun, lladron; pero aquel que sal honrau, yélo ´u sin comparacion. So Sinu, po la melicia ó por otra profesion de sangre y ruiu los llama, en fin, ond´haiga funcion. 

Miércoles

Los q´en miércoles ñacieren, puéen llamáse dichosos pos serán espaviláos, sotiles, mu enxeniósos. Si tomen dalgun oficiu ó cualesquier profesion, farán coses admirables. Si anden ´n navegacion ó van á tierres estrañes, golverán con güen bolson. 

Xueves

Los que´n isti dia ñacen, po la Iglesia tirarán, ó bien per otres carreres, de las d´Universiá. Pacéficos, mu llanicos y bon calletre tendrán, y serán farto axustaos en ´l sorber y el xintar. 

Viernes 

Lleváos po ´lutru sesu los q´alleguen á ñacer en viernes, tiene que selo, pos Venus ansi lo quier. Suelen tener llarga vía; pa ´l estudiu non darán, pero per aquelles artes, que belles suelen llamar, si ´l focicu ´n élles metien ¡qué délles coses farán! Llimosniegos, y non poco; y falar bien, sin igual. 

Sabao

Los sabainos son recios y tamien son pensaores, pero lo más malo ye que son abondo traidores. Pa les cencies, non hay otros, pa les artes, los meyores. 

Domingo

Ye ´l meyor Sinu ´l del Sol, pos Dios en ´l descansó, y á los q´en domingo ñacen, de bondaes enllenó. Son mu guapos y bien fechos, tiesos, de bona razon y de güen entendimientu, rescatáos, güen corazon. Enclináos á la melicia, en la que gran pusicion afayen, si en ella entren. En domingo ñací yo. 

Xinero

Cuando ye secu xineru verás fartucu ´l graneru. Escaléz la ñiéve al trigu, como la madre al só fíu. 

Febriero

Si en Febriero llueve munchu, non te faltará güen cúchu. Si la Candelera llora, el  inviernu va ya fóra; pero si non llora, nin dientro nin fóra. 

Marzu

Marzu de lluvies cargáu, fai al añu disgraciau. Cuand´óyas tronar en Marzu, da á les pipes con el mazu. Cáva y póda en isti mes si frutes coyes quixés. Los rallámpaos y truenos en invierno, son señal de ñieve; y si son en Marzu, ye que golverá ´tronar. Tantes borrináes en Marzu, tantes xeláes en Mayu. Cuando ´a Marzu hay vientos juertes y Abril ye moyau y friu, siguelos alegre Mayu, llozanu siempre y floriu. 

Cantares

Cáa vez que t´apropio xunt´al focicu esi llunar tan guapu, güelvome micu. Cáo la fonte llabando po la mañana, non yes la mió Pepina, yes una xana. Ayer cuando subíes per el otéru, vite les pantorries ¡qué esguilaéru!. Lo mesmo que la píldora ye la muyer: si non está doráa naide la quier. Aquel q´ama de veres ye un grande tercu, que tien á Dios ´n el alma y al diablu ´n cuerpu. Entre un home ´struíu y un que non sabe, ye com´un home vivu y otru cadávre. Quíxete dalgun  tiempu q´era llocura; pero hoy dasme más miéu q´el señor cura. Anochi´n a foguéra distim´un besu, y entuavia me fiéde la cara á quesu. Cuando vas por la cái ¿tú pa qué cantes? Pa que salgan á véme los estudiantes. 

Cuando arrimo ´l focicu cao ´l tó déngue, póngome poco á poco com ´un merengue. A la estrella del Norte naciói un ráu; ¡cuántos hay que lu tienen desimulau! Les estrelles del cielu son muy hermoses; pero xunt´á los tos güeyos, son llegañoses.  A tó puerte me tienes apigazando mientres que tú, moscarda, tarás roncando. El señor cura, madre, cuando m´afaya, quier que i ensiñe ´l forru de la mió saya.  ¿Mariyina, mió fía? ¿Qué manda, madre? Apúrrem ´isi cuernu que i cayó á padre.  Por San Xuan fexo un añu que te quería, y agóra non te quiero q´estás llemia. Caracoles y nabos ye mió comia, con fabes y boroña y leche cocía. A los pies m´arrodio, fago una eme; to palpáte ´l emblugu, mas que me queme. Quítate de mio puerte, sacristan fatu, q´en  esta sacristía non tienes platu.  Dame lo que te pío, dámelo, dame; un besín en focicu ¡cómo me sabe!. Quiérote y sé que nunca fústi vertuósa; pero tienes tarinos, que ye gran cosa.  Tóo lo que te quiero díxelo al cura; y lo mesmo naguaba q´una cretúra.  Dame lo que te pío que ye muy pocu; dáme ´l tó pañupintu pa llimpiá ´l mocu. La sobrina del cura de les Mayáes, reblica co´los mozos á llombardaes. Mios güeyos echen chispas cuando te veo eses piernes rollices y esi salero. Si se casa co´migo, Pericu Toro, tó facélu bien mansu acá ´l mió móo. 

Añadir leyenda

Añadir l

Refranes
Esperanza

Quien s´enfote ´n a ´speranza non verá ´n llena la panza. - Quien cuerre co ´la ´speranza, lluéo la fame lu alcancia. - Ye la ´speranza, por ciertu, sueñu del home dispiertu. Presente has siempre tener: q´el que perdió la ´speranza, ya nonn tien más que perder. La vida ye mala chauza, si en Dios non hay esperanza. 

Celos

Los celos ye una llocura, que delgun remediu cura. Non hay fiera más furiosa, que ye una muyer celosa. Al diablu si celos tien el que nunca quixo bien. En ´l amor verdaéru los celos son lo primeru.