Entrago (Teverga)

Textos:

-Dibujo de Alfonso Iglesias.

-Jueyes seques.

-Cosadiella.

-A Xico en Güenos Aires.

-La canción de los caminos.

-El milagro de las rosas.

Entrago. Lugar de la parroquia de La Plaza (Teverga) que da entrada al municipio tevergano, una vez atravesado el desfiladero de Valdecerezales. Tiene 222 habitantes  y se encuentra adosado  a las laderas de la Peña Sobia. A Entrago y la trinchera  acondicionada al ferrocarril llega, desde hace cinco años, la Senda del Oso que proviene de Tuñón, Proaza y Quirós. Se trata de uno de los itinerarios turísticos más interesantes, toda vez que el viajero hace el mismo recorrido que las antiguas locomotoras por parajes de  gran belleza a través de túneles, vegas y desfiladeros. En total son 22 km. El patrimonio artístico de Entrago se centra en el palacio de Valdecarzana o de los condes de Agüera. El palacio, en la actualidad, es de los herederos  de la familia Cañedo-Pidal.  

Jueyes seques

Paezme  que fuy ayer

Cuando yo estaba solteru

Y passiaba mio quintana

Fiéndome ´l gallu del pueblu;

Si daba yo un ixuxú

En castañeu del corberu,

Retemblaben toes les riegues

Como al ruxíu de un barrenu;

Cuando camín del mercau

Algún me perdía ´l respetu,

De la primer molleyada 

Daba tres güeltes y …..al suelu.

¿Y co les moces? ¡Sandiez!

Entrando yo en un conceyu

Con escarpinos  de bota

La montera encima un güeyu,

Con castañueles de lazos

Y un garrote de salgueru,

Non quedaba una siquiera 

Que al tiempu cerrar un güeyo

Cuando yo la pizcañaba, 

(Sin mancala por supuestu):

Me dixera: yes gran mozu

Eres del tou sandungueru.

.  .  .  .  .  .  .  .  .  .

Mas hoy, queridos letores,

Ya me voy quedando vieyu,

Pos vo cumpir cuarenta años

El mes que naz el felechu;

Ya el pelu va siendo blancu

Y fai pliegues el pelleyu

Y mios dientes  ya non ruquen

De la boroña,  el corteyu.

Si digo daqué á les moces,

Pónense de horrible ceñu

Y dicen, ¡desvergonzaes!

Quítese delantre, güelu;

Ya pa mín se acaba el mundu

Ya pa mín  no hay añu nuevu

Pero queria Dios lu tengan

Tos los letores de El Ecu.

Lín de Lón. El  Eco de Cabranes. Nº 77.-

Cosadiella

Dos güeyos tien y non vé;

Non tien una pluma, y pela;

Y por más que non tien dientes,

Amín mordiome una oreya.

Ye precisa  en toes les cases,

Más, munchu cuidau con ella,

Que como i  tapés los  güeyos,

Dexa abiertu  cuantu encuentra.

Si no acertastes tovía

Direvos, que non tien lluenga,

Pero como la  xurgués,

Corta un vistíu á cualquiera.

El Eco de Cabranes. Nª 74.-

Nin come nin bebe

Nin viste nin calza

Y espúrrese  ´ncuéyese

Engorda y enflaca;

Todos la tenemos

Más güena ó más mala,

(La mía por ciertu

Ye bien condergada);

Si soplando el pote

Faces llamarada,

Tendresla  cerquina

Muy negra y muy ….. clara…..

El  Eco de Cabranes. Nº 75.-

Hay dos hermaninos

Que nunca se vieren,

Por que los separa

Un monte y dos riegues.

Ye tantu el cariñu

Que ´n trambos  se tienen

Que ´l un sin el otru

En xamás se mueven;

Si un llora, otru llora;

Si un duerme, otru duerme;

Y ye negru trance

Pa quien los dos pierda.

El Eco de cabranes. Nº 76.-

Aque non sabes que cosa

Fai so oficiu de colgada,

Y tristeces ó alegríes

Nos diz cada vez que fala?

Nin tien lluenga nin tien pates,

Mas si la xurgen, non calla,

Y llevanta los vecinos

Fiendolos dir á so casa.

El Eco de Cabranes. Nº 81.-

Si quies desfaceme,

Que non sea con porra,

Nin con jueu, ni á tiros,

Nin con una horca;

¿Quieres desfaceme?

Pos sobremín, llora.

El Eco de Cabranes. Nº  87.-

A Xico en  Güenos Aires

Dime  queríu Xico

Si esi Güenos Aires

Tenés á los menistros

Tan mal de les bidaves

Como equí  los tenemos

Que con sos munchos males

Non pasa un día siquiera

Que mil barbaridaes

Non faguen en España 

Que  España per mil partes.

Pa vivir ´n esta tierra

Sobre tou en Cabranes,

Ye mester que ´l domingo

Se cierren los llagares,

Los comercios, les tiendes,

Y cuasi toes les cases;

Equí, mió queríu Xico,

El sábado de tarde

Hay que metese en casa 

Sin  salir á la calle

Hasta el llunes siguiente,

Y si nón pa la cárcel.

En fin, que ya quitaren

Un día á les semanes,

Y  quitaránlos todos

Al primeru que fale;

Yo paso los domingos

Cerrau detras  de llave.

Y si un  estoy fartucu

Catorce estoy con fame.

De tou esto, el gobiernu,

Pa mín  yé ´l culpable 

Pos va torciu en tou,

Y si non has fijate:

Quitaren á los vinos

To los derechos riales,

Y está el litro á seis perres,

Y la lleche a dos riales;

Quitaren los derechos

A coses dispensables

Y ponxéronlos dobles

Al maíz,  á les fabes,

A la carne de gochu

A toa clase de carnes

Aumentándola munchu

al zumu les mazanes,

Así los asturianos

Faremos los pumares

Zurriagos pa menistros

Y pa tontos….. guiyaes.

Lín de Lón. Eco de Cabranes. Nª 68.-

La canción de los caminos

Yo deprendí ´n una nochi

de llucerinos en flor,

una canción de misteriu

que ye como una oración.

En miós caminos  p´el mundiu,

que nunca sabín a ú vo,

vo yo cantándola solu

con silenciu  en alredor……

Los que la ascuchen con plasmu,

siempri me dicen adiós…..

-Adiós……..!

Y yo non respuendo,

yo sigo con mió canción.

Ye una canción d´esconxuru

que anque enllena de dolor,

dientro les peñes pon agua,

dientro los cierzos pon sol

Denguna d´ente les coses

alcancia a coyer el son,

que solo fuimos pa tantu

les estrellines y yo…

Les coses,  cuando la ascuchen, 

tamién me dicen adiós……

-Adiós….. !

Y yo no respuendo

yo sigo con mió canción.

Tou el camín  per mi solu

ponse a esclucar a mió voz,

que cuerre sobre les coses

lo mesmu que un resplandior.

Tamién el camín me fala,

tampoco y respuendo entós…..

Y solo les poques veces

que alcuentro con la Elusión,

cuando tamién con dolzura

me diz adiós, como tós,

dexo la canción  un puntu,

y a ella respuendoi:

-Adiós…….!

Constantino Cabal. Antología de poetas Asturianos. Pedro G. Arias.-

El Milagru de les roses

Rosal de la mió llosina,

del requexín  de ´l aldea,

que aparra -ya tan aína,-

les piedres de la parea,

qué roses les que me tien…!

Qué arumes los que me dá!

De roses, siempre a mamplén,

d´arumes, siempre ´n  mozá……!

La llosa ya malapenes

si val per otru tesoru

que el de estes roses morenes

con una sombrina d´oru.

Cudio que andabas nalando

la xuventuz del bancal,

y pa dar roses dacuando

cudio que abrióse el rosal.

So l´ala de la mañana

tendida sobre les fueyes,

tou el rosal  se desgrana 

en un regüelu d´abeyes.

Y al pasu de la tardina

pe los crepúsculos  grises,

él trina, -trina que trina-

con un cantar de malvises.

Ay, el rosal de la llosa,

cuánta guapura que tien…..!

De di, so rosa ye rosa,

pero ye estrella tamién.

Mas cuando ´l  cielu arremiella

les estrelles de cristal,

la rosa ya non ye estrella,

ye carne ya del rosal.

Ay,  el rosal de la llosa

de nochi ye xuventuz,

carne de neña penosa 

de dieciocho años de lluz….

Ye xuventuz …. y sospira

y suaña y fala pa sí,

y cada fueya que tira,

ye risa con que se rí……

Ye xuventuz que prepara 

so gran festexo nucial,

y entós les roses son cara 

de la neña del rosal……….

Constantino Cabal. Antología de poetas Asturianos. Pedro G. Arias.-

Una noche muy oscu-

Que la gente se alumbra-

Paseaba un caballe-

Desde la corte  á su ca-,

Con sombrero de tres pi-

Y en medio tres plumas blan-

Y en medio de las tres plu-

El retrato de su da-.

Al volver de una esqui-

A una ronda encontra-,

-Alto, alto caballe-

Que aquí vive gente honra-,

Lo primero que le hicie-

Fué coserle á puñala-

-¿Quién ha sido ese bribó-

Que te cosió  á puñala-?

-Uno ha sido Juan de Li-

Otro ha sido Juan de La-

Otro no lo cono-cí

Porque se tapó la ca-,

Mi dama, si yo me mue-

No me entierren en sagra-;

Que me entierren n´un  rincó-

Donde no vea na-

A la cabecera po-

Un ladrillo colora-

Con un letrero que di-:

“Aquí murió Juan de La-

No murió por mal de amo-

Ni tampoco de costa-

Que murió muy mal heri-

Cosidito á puñala-.-