Travesía costera Arenal de Morís- Lastres
El diablu burllón y la güestia
Cuando les cures dáben-yos muncho pa San Antonio, o sea qu´ echaben ….y aquela vez no dieren nada al cura, dieren pocu, que otres veces dáben-yos corderos y cabritos y pollos y de tou, y aquel año no-y dinei, y entó mandó al sacristán de noche dir a berrar per eses eríes como un chivu pa dicir qu´era el diablu burllón, y entonces dicíen: “¡Ah, el cura mandó a….. nun sé cómo llamaben al paisanín….¡Pedru!-, echó a Pedru ´l probín-diz- a que d´di berríos per ahí que lu maten, -porque esos otros de esi pueblu d´arriba tiraben tiros a …. ande sentíin el chivu berrar, y verás cómo van a matar a Pedru, María” Entonces dicía:
El cura de Vega,
cipreste de Ponga
hui regalar al abad de Cuadonga
maniegu de leche,
vallicu de higos,
higos tostaos y güevos maduros.
Dába-y muncha rabia al cura eso, sí. Esi cuentu tamién y lu hacíin al cura, sí…. El diablu burllón, hacíin …. ponfin unes calabaces con unos huracos como los güeyos y tou, y con una lluz dientro, y dempués poníin una piértiga con un sábanu colgáu así pa la güestia, y poníin un pa un llau y otru pa otru; cuando acababa aquel prendíase enseguida la otra. ¡Ah! , la xente estaba asustáu al paecer con la cuenta d´ese… la güestia, hasta qu´una vez ún hi a estaba, dice: “Pues ahora tengo yo de saber que….. “ y cuando eso dio-y una corría palos, no volvió a salir más la güestia, cuando-y pegaren a aquel paisanu que andaba haciendo eso, sí, y berrando per onde quiera, berrando per onde cualquier mata qu´había que no entraba muncho la xente, ellí metíase dacual y ellí berraba como un chivu y así.
Atlas sonoru de la Llingua Asturiana.
V. El cordal oriental d´Asturies.
Romance en dialecto asturiano
Dexáime q´alegre cante
la “bendita Madalena”
y “¡ay! un galan d´esta villa”
y q´ al aire la montera
con tal reflundiu la tire
que cuando baxe á la tierra,
en llugar de la picona
solo apañe una rodiella.
Dexái que de gozu lláncie
un ixuxú en ´ a Pasera
que ´l ecu repita ´n Seana
y contestáu en ´a Peña
á la par que ´n Figaredo,
Ujo, Villayana y Lena,
al son de l´alegre gaita,
con trapiquinos de fiesta,
á gálamos, al oillu,
la xente á la villa venga.
Dexáime gritar ó muerro….!
pos per lloca la mollera
tengo des que sé q´á Mieres
llega el Rey co la Princesa.
Aquí ´l soplu embalsamáu
que troca ´n xardin la Vega
y fái se besen les plantes
cuando sele les solmena,
amorosu, co los rizos
xugó, cuando neñu yera,
del q´agora ye ´l monarca
q´España adora y respeta.
En Mieres calzó madreñes,
vistió calzon y montera
con ramu de siempre-vives
que i dimos d´amor en prenda,
y hasta paliquin llevaba
al colar por vez primera
pe les calles adornáes
de la ciodá de Fruela.
Hoy el rapacin d´entonces
ye un mozu q´á so presencia
s´alegren los corazones
pos Dios en so bien se fuelga.
Hoy aquel neñu adoráu
ye de la española tierra
el enfotu y l´alegría
de q´ estaba tan famienta.
La Corona de Castilla,
la q´al sol sin brillu dexa
pos mas que rayos aquesti
cunta proeces aquella.
firme, sin que taramielle
enriba de so cabeza,
sabrá llevar, como sabe
llimir l´aceru so diestra.
En él en sos verdes años
s´afaya valor y cencia
y per el bien de la patria
mil veces y mil morriera.
¡Válgame ´l Señor San Pedro!
¡Válgame la Madalena!
Viva ´l Rey Alfonso doce
y d´Asturies la Princesa.
Non diga que y´asturianu
el q´ á mirallos non cuerra,
nin quien arródie una seve
por afayar saltadera.
Regatu, ponton, folleru,
sucu, bardiales ó presa
que pel camin s´alcontrare
la mocedá non detenga.
¿Blinca un galgu? -Pos el galgu
envidia la lixereza
del astur que ´n es montañes
vió la lluz por vez primera.
Mil ixuxús per gañote
(y non ye muncho ´n concencia)
serán los q´al aire asorden
cuando s´ entame la rueda.
Y si quixés la fortuna
que falatible lu viera
y escuchás ´ lo que del alma
pruye por salir afuera,
diríai: Señor, si España
da gracies á Dios contenta
porque la de San Fernando
llucir mira ´n to cabeza,
el pueblu astur, el modelu
de valentía y sofrencia;
el que por mote gloriosu
lleva la nostra Princesa,
en tí s´ enfota, y co ´l alma
en que tu imáxen s´alcuentra,
al cielu soplica homilde
que te depare la fueya
mas gloriosa q´en ´a Historia
del mundo miráse pueda,
y ansí diga:”Alfonso doce;
dignu de memoria eterna,
foi el ánxel de sos pueblos,
el amparu y providencia
del probe y del desvalíu……!
en él s´afayó grandeza
virtú, valor…… y utru sábiu
como ´l utru Alfonso yera.
Lloró España apenadina
de tan xustu Rey la pérdiga,
grande la fexo y dichosa,
foi bonu….. ¡benditu sea!”
Esto, Señor, deseamos
cuando vicácanos tengas,
y non dudes que quien fala
el alma ye, non la llengua.
Volvi ¡oh Rey! á estos llugares,
d´apacible primavera,
onde ´l sol non turra á naide
nin el friu á naide xela.
Aquí ´l cielu dadivosu
quixo q´al furar la tierra
filones topás´el home
d´incomparable riqueza.
So la pelada montaña
en ´a cucuruta mesma,
fierro, carbon ó cinabriu
fai rellucir la piqueta.
¡Ay! el día que xiblando
rodiada de fumareda
de Xixon salga la máquina
y per Castilla se meta;
cuando desllombáu ´l Puertu
los pueblos astures vean
y en el Musel mil vapores
fáiga añáse la marea,
aquesi día, bon Rey,
nin Francia, n´Ingalaterra,
nin Animania, nin Suiza,
nin los Estáos d´América,
por mas que co ´l diañu escurran
y cavilando s´ esmuelgan,
trabayu bonu i-os mando
pa ganámos la palmeta.
Adios, Señor, que la xente
de miráte está famienta,
y ya griten en ´a danza
“Viva Alfonso y la Princesa.”
Ansí-i falaría homilde
quien nacíu en ´a Pasera,
como Mieres, lu saluda
gozosu
Teodoro Cuesta.
Comentarios
Publicar un comentario