Meandros del Nora

Textos:

-Asturianas (1)

-Asturianas (2)  

En toda la Quintana : canción asturiana. Soy pastor : canción asturiana

Fotos del Comercio 

Los meandros del Nora se encuentran en el tramo anterior de la confluencia de dicho río con el Nalón desde el pueblo de San Pedro de Nora hasta el embalse de Priañes, formando meandros encajados que separan los concejos asturianos de Oviedo y Las Regueras. Se cataloga geológicamente en la región de pliegues y mantos de la zona asturiana del macizo cantábricoLa flora no tiene un especial interés si bien la ribera del río Nora tiene agrupaciones bastante extensas de sauce blanco y un encinar dentro del área de influencia del embalse de Priañes. La fauna destaca por varios tipos de aves invernantes y por la rana común.Mediante Decreto 16/2003, de 13 de marzo, los Meandros del Nora se declararon Monumento Natural.

Asturianas 

-¡Hola, ne! ¿Cuándo llegasti?

-Llegamos per la nuite; foy el mió Ramón á buscamos con la pollina á Toriezu pa q´viniés el neñu á caballu.

-¿Y entós cómo te foy per Xixón: Cuntame; aquello debe ser guapo.

¡Ay, mujer, non se q´te voy cuntar! Mialma plasmes  de tanto como ves. Verásti, tu ya sabes q´díbamos el miú Joselín y yo, por q´al neñu salioi un bultu tras de la oreya y por más que lu chevamos aquí lu vies Celipa pa q´punsiés el filu pel piscuezu y pasás l´ agua per si estaba agüellau, el demoniu l´bultu dibai creciendo q´daba mieu. Entós discurrimos  dir al mélicu y díxonos q´y facín falta baños salaos.

El mió Ramón desocugó juna media pipa de sidra q´teníamos, chámosla de agua, y chámosi una peseta sal q´ mercamus n´comerciu pa bañar l´rapacín; ¡pero mira, neña! cada vez q ´lu metíamos n´agua, daba unes berríes el mió probe q´asina Dios me salve á mi paecía q´me subíen unos rebelgos pel  emeligu pa rriba de congoxa q´me daba.  A los dos días de habélu bañau, salioi una fonte  en bultu q´ paecía un regueru. Determinamos chevalu  otra vez al melicu y dixo q´´lo que él había mandau yeren baños  de mar y  q´ fóramos con él á Xixón.

Yo tenía reparu  en dir, por q´como nunca á  lo más q´fixe foi baxar á Bárzana pa mercar algo y  endispués per´ i  hay  tantu demoniu xente y tan mala,  por q´tu ya ves cuando il siñor Cura nos líi los papeles diz q´ arroben y maten xente q´mete mieu, non  me determenaba. ¡Y non vayas pensar, si non ye per q´Ramón díxiome q´si non diba garraba  una verdiasca y fundíame, ¡m´alma non voy!

Metí n´sacucu unes poques de fabe y pataques y dalgún q´otru chorizucu, y al amanecer marchamos. ¡Ay Sabel del alma lo q´yo dibuxé!  Tou l ´día andando ; na pollina diben Joselín y el padre teniendo per el pa q´ non  cayera; además como ya facía abondu tiempu q´non calzaba  los zapatos,  al pocu tiempu de dir andando comenzaron mancáme y fixérnome unes ampolles que que tuve q´quitalos y dir descalza tou l´camín. Cuando chegamos por la nuite á una casuca q´hay  al par de la carretera, non me tenía; toos los pies tenía esfrayaos y dolínme q´yera un colsuelo.

Dormimos allí, y al otru día ceo volvimos marchar pa piescar l´tren en  Trubia. Cuando chegamos, non yera dar un pasu; tuviemos q´mercar unes alpargates y ¡ay Sabel, aquello sí q´ son alpargates!; toes floriaes per riba  y con unos dibuxos por los llaos q´así Dios me salve dábame llástima poneles por mor de mancháles. Ya te les insañaré, q´ tríxeles pa calzáles el día de la Virxen l´Cébranu.

En Trubia viémus unes cases grandes q´paicíen palacius con unes coses llargues pa riba q´ chaben fumo como si foren chiminees,  y too arrodiau con unos gabitos de fierro con pinchos per riba; discurro yo q´aquello a ser pa q´los  rapazacos non blinquen dientro  y tiren aquellos demonios  de coses llargues. Endispues chevónos el mió Ramón pa l´tren, y  ¡aquello sí q´ tien q´ver! Unos caxones grandes con ventanes per los llaos, puestos enrriba unes ruedes, dellantre toos un demonión de fierru q´ chaba fumu por toos llaos, con reloxes por dientro y non sé cuanto más.  ¡Paez cosa de encantamientu! Tábamos mirándolu cuando dió un xiblíu q´al mió  Joselín plasmólu y á mí dióme un respingu q´ tomei mieu aquel demonión  y marchémonos.

Escomenzaron  venir unos  homacos q´traíen unes gorres con lletreros y con galones  q´ apaecío oro. Debíen ser xente mandona. Metiemonos en un de aquellos caxones  q´tien bancos d´madera per dientro, porque, ¡voy  icite!, hay dalgunos q´tienen  butraques como la que tien l´Cura en la so sala, pero de abondo más lluxo; deben ser pa los siñores, aunque non pienses , al mió llau diba un siñoritacu bien portau con un  llaciquín arrodiau al piscuezu q´ yera una bendición de Dios. Totaron una campana, uno de los homacos mandones xiblió y antós, aquel  demonión de fierru de dellantre escomenzó á dar otra vez aquellos xibliones q´plasmaben al mió neñu.

En esto estaban nuestras dos interlocutoras cuando  una voz de hombre vino á interrumpirlas:

-¡Sabeeeeel!  ¡Déxate falar so llingüatera! Como dir  vaya yo per tí, ¡porra si non te rompo un cadril! ¡Non te dá  vergüenza q´ tiés  el llar sin pizca  fueu y les verces crues según les chastes!

-¡Ay ne! Voy ver si hecho esi diañu home á  trabayar y ensiguida  he golver per iquí pa q´ me sigas cuntando.

Duval.

El Independiente. Gijón 28 de Septiembre de 1907.-

Asturianas 

-Ya heché esi homacu á trabayar. El pote taba un pocu crúu, pero lo mismo fai provechu. Sigue cuntandome, q´ m´ alma antroxo oyéndoti.

-Pos verás muyer. Como te diba diciendo, endispués q´xiblio aquel homacu escomenzaron á andar los caxones en que dívamos ¡pero q´mou andar! Nin el caballu ´l mélicu y eso que cuerre pero q´ bien dibuxaba tanto.

Yo diba embobá viando les tierres y los árboles unos tras de otros como si quisieren algamase. Pero tube que dexar de mirar; arregolvieronseme les tripes y escomenzaon á faceme un ruiu dientro q´á poquiñin más estrozoi el traxiquin al señoritacu q´diba á la mió vera.

Tube q´quitar ´l mandil q´ponxielu tou perdíu y cuando taba guardándulu ¡mira neña ´l alma meteuse de pronto el tren per debaxo l´ tierra y vieno una negrura tan grande y un diañu trepitu q´yo asina Dios m´salve non pensé q´díbamos camín del infiernu. El miu Joselín escomenzó á llorar y yo sin saber lo q´ faía agarreme aquel moziquin y esmeseme per él con el mieu q´me dió que cuando golvimos salir fuera habíai estrozao ´l llaciquin q´llevaba arrodiau al pescuezu y además como no había guardao ´l mandil cayoi enriba los pantalones y toos i los manchó.

Pero non piensis q´foi abondo pocu; el diañu ´l señoritacu que parecía un espanta-páxaros, mientras yo estaba espaboría agarráa, él non facía más q´plizcar per mí y apreteme q´si ver lu ve el miu Ramón esmanganiellalu; yo tuve por dai un guantazu pero non lo fixe por mieu á q´si lu soltaba me llevara algún demoniu por q´mira ¡xúrotelo q´aquello non pue ser más q´dalguna cosa de bruxería ó dalgun pautu con l´demonio! ¿por q´si non como pienses tú que diben metese per debaxo l´ tierra? ¡Home non pue ser…….

-¿Poneste mala Saura?

-Non se q´me pasa, pero paez que me entró una congoxa y ganes de non falar. -Anda muyer sigue cuntandome, q´pue q´ te pase.

-Non Sabel, non, dexame por hoy; val más q´vengas mañana ceo y entos siga contandote por q´ agora si te cuntara non te había gustar, non sabes q´nen entrandome la congoxa escomienzo á poneme ñervosa y ya non soy á falar. Ye un mal, ¿pero q´i vamos facer!

-Bueno muyer, bueno, entós golvere mañana haber si tas mejor; y non sias boba ¿por q´te ha dar congoxa?

-¡Adiós Sabel hasta mañana!

Hasta mañana bien ceo q´he venir Saura.

Duval.

El Independiente. Gijón 5 de Octubre de 1907.-