Sendero desde El Fielato a Cuevas
Un conseyuZagales de Robellada,
pastorinos de mio puelu,
los que curiáis la reciella
allá pel valle Estremeru;
los qu´al llau de Peñasanta
vivís xuntos col robecu,
y, por estar cerca d´elli
se vos marcha ´l santu al cielu,
non brindando cuando llega
a la vera ´l forasteru;
a prepósitu del casu,
vos quiero dar un conseyu,
pues según dicime acba,
un vecín de Talaveru
que, por más señas, dirévos
qu´emberengó n´Arnaedu,
hasta la güesera mayada,
en el pasadu xunetu,
legó una tarde cansáu,
descalteníu,sedientu;
¡y non huestes pa brindalu
con migaya d´ alimentu!
Yo bien sé que non tenés
roñosu temperamentu,
y que si non lu brindastes,
sin duda que hue por miedu
a que l´home dispreciase
güestro condumio modestu,
que todos los que subiemos
cuando rapaces, per Fresñu,
con el zurrón tras del llombu,
corizas, palu y mantiellu,
por mucho que la corramos,
del uno al otru hemisferiu,
y prebemos llambionadas
hechas con gustu y esmeru,
cuando golvemos a ésa,
non dispreciamos el quesu,
nin los platos de cuayada,
nin la borona, ni ´l sueru,
nin la mantega ni ´l pote
de castañas en iviernu
nin la mantega ni ´l pote
de castañas en iviernu.
Esto decivos quería,
pastorinos de mio puelu,
los que curiaes la reciella,
allá pel valle Estremeru.
V. Francisco de la Vega. Robellada d´Onís en 1893. Lliteratura asturiana nel tiempu.-
Comentarios
Publicar un comentario