Güerres (Colunga) y playas de la Isla y Espasa
Textos:
-El mal de Pachu.
-Un conseyu.
El mal de Pachu
N´el mes d´octubre postreru
po les feries de Llaviana,
a les que fai munchos años
que por ná de l´mundiu falta;
atopóse “Lin del Puente”
con “Pachu el coxu” , de Lada,
cuñáu d´un primu del xenru
del maridu de la ´rmana,
col que munches veces diba
de fartures y parranda.
Estrumiolu en los brazos,
que cudié que lu afogaba
y complido l´entrugase,
como xente de crianza,
por vaques, gochos, reciella,
muyer y demás canaya,
entamaron los dos socios
ista xugosa falancia:
-Qué rayu te pasa,Pachu,
qu´asemedes una llaña
con isos güeyos saltones,
el focicu que s´allarga,
y la pinta aborrecida
de presona atristayada?
A más fuxes de la xente,
non sales pa ná de casa,
nin vas siquier a la sidre,
que, por ciertu, tá que plasma.
Y non digo “po la bona”,
que lo digo “po la cara”….
¡Me ca…. so ´n la i….¿qué tienes
que páz que te vió la Güaxa?
-Yo non sé……Diz el curiosu,
de ´illi, de Ciañu-Santana,
que toy apiértu del pechu
d´arresultes d´una carga,
Illo ye que magar fizo…
¡la de Dios! pa que ciarrara….
el que va ciarráse d´ista
soy yo….dientru d´la caxa….
-¡Home, non va ser pa tantu,
qu´iso non ye cosa mala!…..
Lo raru ye que non cure
dimpués de pone´ la faxa,
los emplastos o les bizmes
en ´costau y en ´nas ´spaldas,
que ye lu que manda siempre
y escurro que te mandara.
¿Será ´ntós que non acierta
col´”aquellu” que t´agafa?
Vamos a ver: ¿Tú que sintes?
-Tanto ye lo que m´afala,
qu´a querer facéte estoria
nin un añu m´algamaba:
Toy floxu y estallazáu
que non puedo con el alma;
enllénome tó de manches
pe la frente y pe la cara;
endelgazo….. y agomito
sobe tó pe la mañana;
delles veces páz qu´ amorio
desque salgo de la cama;
y el dolor de los reñones
non me dexa facer nada;
tengo ´l gustu tó ´stragáu
y non com´una migaya
más que dulces o pepites
y cosines de antoxanza….
-Pos non siguas más p´alantre,
que la cosa ta bien clara…
¡Tas igual que la mió Pepa!
-¿Y qué tien?
-¡¡Ta embarazada!!…
Antonio G. OLiveros.
Antología de poetas Asturianos. Pedro G. Arias.
Un conseyu
Zagales de Robellada,
pastorinos de mió puelu,
los que curiaes la reciella
allá p´el Valle Estemeru;
los que al llau de Peñasanta
vivís xuntos c´ol robecu,
y, por estar cerca de elli
se vos marcha el santu al cielu,
no brindando cuando llega
a la vega el forasteru;
a prepósitu del casu,
vos quieru dar un conseyu,
pues según dicimi acaba,
un vecín de Talaveru,
que, por más señas, direvos,
que emberengó en Arnaédu,
hasta la güstra mayada,
en el pasadu xunetu,
llegó una tarde cansau,
descalteníu, sedientu;
¡y no juestes pa brindalu
con migaya de alimentu!
Yo bien sé que no tenés
roñosu temperamentu,
y que si no lu brindastes,
sin duda que jué por miedu
a que el hombre dispreciase
güestro condumio modestu,
por lo cual vengo a decirvos,
pa que vos sirva de exemplu,
que todos los que subiemos
cuando rapaces, per Fresñu,
con el zurrón tras del llombu,
corizas, palu y mantiellu,
por mucho que la corramos
del uno al otru hemisferiu,
y prebemos llambionadas
jechas con gusto y esmeru,
cuando golvemos a ésa,
no dispreciamus el quesu,
ni los plataos de cuayada,
ni la borona, ni el sueru,
ni la mantega ni el pote
de castañes en iviernu……
Esto decirvos quría,
pastorinos de mió puelu,
los que curiaes la reciella,
allá p´el Valle Estremeru.
Francisco de la Vega. Robellada de Onís, 8 de mayo de 1893. Antología de poetas asturianos.
Comentarios
Publicar un comentario