BrañaVerniza-Lago-San Feliz
-Dido y Eneas.
-Cantar y mas cantar.
 |
| Braña Verniza. Aldea de la parroquia de Trevías (Valdés) Dista de Luarca, capital del concejo, 21 km. Situada en una ladera, a 250 m de altitud, es de hábitat concentrado.Tiene una población de 10 habitantes. Aparece en la relación de brañas vaqueiras del concejo de Valdés que se efectuó en el año 1974. |
 |
DIDO Y ENEAS
—Mientres que se faz hora d’ ir echanos Esciará ñoramala esos tizones: ¿ Aun ño atapeció y apigazamos? Siempre vos sonen mal les miós razones; Esi pagu tenemos los que damos Conseyos á los mozos mangullones. Si non apigazais, d’ esta tayuela, Un cuentu vos diré q’ oí á mió güela. Ola, Tuxa: ¿qué, riste? pues bien oyes: Saca dos filos, toma aquella rueca: Xuanín, enriestr’ allí cuatro panoyes: Bartuelo, tapa a rruda aquella llueca, Mira si tienen yerba les fenoyes, |
 |
DIDO Y ENEAS
allégame acá l’ agua que se seca Un home cabo el fuebu: (podéis crello) Aforrarás d’ erguite y dir por ello. Cuntaba la que Dios tenga en folgancia, Mió madre y vuestra agüela ( tené cuenta, Y abrí el güeyu q' he cuentu d’ importancia); Que un Rey de munchu pan y muncha renta Allá en Fenecia, tierra cabo Francia, Templada, callentina y siempre llenta. Tenía una fía, fresca y muy sesuda, Blanca, gayarda, tienra y rechonchuda. |
 |
DIDO Y ENEAS
Sabía ller y escribir com' una xana: Falaba los llenguaxes que quería; Caciaba pe los montes con so hermana: S ’ oficiu yera andar á montería: Sabida, xenerosa, palaciana, Viciosica sin más feletería Q’ una doncella acá de padres buenos Que igual non ye á les otros que son menos. Diz que tenía tal gracia cuando andaba, Q' extremaba pel mediu la cintura; No lo entendín q’ aquello lo causaba Que la apertanon munchu de cretura. Per detrás cualquier diz que la extremaba, Non p' el talle sinón pe l’ andadura; Además que denguno podría vello, Porque estaba cubierta col cabello. Al endefetu fresca como aleña,
|
 |
DIDO Y ENEAS
Y como ella nenguna más galana: Cuantu más va creciendo ye más ñeña; Cuantu más ñeña más zaragozana; Cuando con ceñu, entonces más sereña; Cuando al disfraz, entonces más lliviana, Q ’ anque d’ un capellán fora sobrina Non pudiera ser más solapadina. Belu, so pa q’ ansina se llamaba, Viola para prestar y crecidica, Y dixoi: — ”Mio fía , yo trataba Casáte con persona ñoble y rica, Porque el diablo ye arteru y ñon miraba Q’ entra aquí de continuo xentecica”; Muchachos, á vurlar y fer del güeyo, Pos ascuchá que yo soy perro vieyo: "Suele uno d’ estos fer una goyada Y falar pasiquín, lluigo cozcáse, |
 |
DIDO Y ENEAS
en teniendo la plática entamada, Humilde y gachu trata d’ allegase: Pide una mano y ya la mano dada, Pruin i los pies, entama esperezase, Y al abaxar los brazos del perezo, Trai la mano á la ñeña pel pescuezo. ” La simple entonces piensa que no he nada; Déxala estar un pocu y por quitalla Trebeya un poqueñín, faise enfadada: Torna el bon muchachete á callentalla; Ye lo que el diablu quier; vese rogada; El alábala muncho y ella calla; |
 |
DIDO Y ENEAS
Q’ estos son los viciosos y muchachos Que estando en pie, quicias se ponen gachos. Dixo la ñeña: —” Padre, ya lo veo: Dangunes m’ escapé, y ansí casáme, Y si ha de ser, que sía con Sicheo Que ya empezó una vez á enquillótrame. Tien bondá, tien diniro y tien deseo De folgase comigo y cariciame. ¿ Por qué habernos d ’ andar per tras d’ Uviedo, Si non decir que preste y perd’ el miedo?" Ansina fó: casánonse gastosos; Mas poco yos duró so alegre vida, Que cuando se catanon más gozosos, Un Pigmaleon, so ’rmano, con ferida, Lu matára con otros maliciosos, Quedando la cuitada ansí aflixida
|
 |
DIDO Y ENEAS
Que con tal desesperu non sosiega, Y desque vilba ye non rebodiega. Por quitai el diniro la matano, Y ella que barruntó lo por qué yera, Dixo: — ” Pos to ganavos pe la mano. Tomó el diniro, xoyes y cebera: So ’rmana y los de casa la ayudano A echallo n’ un navio al mar á fuera Y xuntos aportanon á la Africa, Llabranza del Rey Yarbes, tierra rica. Salten en tierra, todos facen mises (Non como les d’ acá , que non s’ usaben): Ponen sobre los sayos les camises Los que ofrecín les vaques que mataben: En acabando hé todo gusto y rises, Porque en tierra segura y firme estaben. Y fiándose con todos lliberales, Los admiten allí por ñaturales. Pidió la Reina á aquella bona xente Que i vendiesen para so morada Lo q’ un cuiro de güe muirtu reciente Fechu corrines tome á la rodiada. Fácenlo ansina,
|
 |
DIDO Y ENEAS
y ella dilixente Fixo allí una ciudá muy bien cercada, Y en memoria del cuiro del cuartago Ponxoi por nombre á la ciudá Cartago. Gobernó en sana paz y con tal arte Que ño había que decir más q’ el so inxeño. En esto quixo el Rey fal ai á parte, Y ella al so platicar ponxoi un ceño; El i diz: — " ¿ non quies fello? |
 |
DIDO Y ENEAS
pos tu guarte, Que non quería de ti más q’ algún ñeño" . Arrespondioi la Reina y vilba honrada; — " Pos non has de lograr la canilada" . Dexola y foise muy escatimado: Dexémoslu ir también que vá vengase, Y vamos adelante á utru soldado Q ’ en aquel puertu quier desembarcase, Y pe la mar andaba mal fadiado Con munchos barcos sin poder llibrase, Fío de Anquises y de Venus diosa, Muyer para los homes gasayosa. Umbió pedir llicencia pa la entrada. Y mandanon que entrás ena ribera: Desque en tierra saltó, pidió posada, Q él s ’ acomodará per donde quiera.
|
 |
DIDO Y ENEAS
La Reina que lu vió, muy llastimada, (Y aquesta fo la llástima primera) Umbió á decíi que si ha de estar despacio, Se venga á descansar al so palacio. El yera, como digo, bien trabadu, Anchu d’ espalda, pierna bien sacada, Bona cára, vigote revoltiadu, Guedexa rubia y bien engreñonada, Falante, xenerosu y enfotadu; Fartuquín, y con seda bien llabrada, ¿ Quián duda que quedría refocilase Y sin andar en cuentos declaráse ? —" Que cuentes to xornada gustaría, A él i diz la Reina entre la xente" . —" Non creo que ternás muncha ’legría En saber la mió cuita empertinente; Yo por obedecete más faría Que volvella á pasar" , dixo obediente. Y cuntando sos casos inhumanos, |
 |
DIDO Y ENEAS
todos, tirios y troyanos. —" Troya mió patria foy, agora ayena, D ’ Ulieses por diez años vasayada, Y todo me causára poca pena, Si por traición non fora soxetada; Porque los griegos, xente q’ está llena D ’ enxenios y en traiciones endustriada, F exenon un caballu de madera Cuatro veces mayor que la ñevera. " Embútenlu de homes con espades, Muy callandín cerrados y escondidos,
|
 |
DIDO Y ENEAS
Y lluigo echanon voz de que les fades Ordenaben que fosen destroídos Los troyanos, que en sos festividades Al rocín no adorasen: y temidos Que fosen de so Dios los mandamientos, Ena ciudá lu meten muy contentos. " Desque illí dientro, ya tenín aviso Q’ en llegando los barcos y la xente, Enviarín mensaxero agudo en viso A que todos saliesen de repente. Asi foi que á la nuiche d’ improviso Fexenon la conseña, y brevemente Los d’ allá dientro abriéndoyos les puertes Dexánonos les guardias allí muertes. " ¡ Los santos sean con nos en esta estancia! Como estaba la xente adormecida A rede barredera sin tardancia, |
 |
DIDO Y ENEAS
A nenguno llibranon de la vida: Ya non tienen remedio de esperancia; Si van fuxir ño acierten la salida, Entre la llamarada, fumu y brases Del fuibo que encarnaba pe les cases. " ¿ Non viestes una roza que va ardiendo Q’ el aire per detrás i va xiblando? ¿ Cuando algún magüesto va encendiendo Que les castañes dél van estallando? ¿ El roido no escucháis que vá faciendo Mientres l’ argoma verde está quemando? Ansina quema Troya en munchos fuegos En venganza d’ Ulises y los griegos. " ¿ Viestes dalgún correr cuando ’i apieguen Un cuete alia en Uviedo á la ropía. Que cuanto más afuxe más i lleguen Les chispes á la pierna y pantorría, Y como los mochachos no asosieguen Acorbiando al que va de carretia? |
 |
DIDO Y ENEAS
los probes, tristes y cuitados Fuximos á carreres chamuscados, " Cuand’ uno piensa ya que está guarido Y ña casa del Rey quier escóndese, Anda allí el cuentu más embravecido. Q ’ al Rey saquen de casa anque i pese; Muyer, fíes y fíos sin valido Maten en sin remediu de válese Echándolos da fecho nes fogueres, Alzando el gritu al cielo les muyeres. "¿Veis cuand’ un saca un braco d’ |
 |
DIDO Y ENEAS
una llosa, O una cabra que mata sin querello Que la rebalga n' hombro y non la posa Fasta ponella en casa, y para fello Dientes aprieta y puños que ye cosa, Y les pates i arreya cabo el cuello? Pos ansina d' entr’ estes chamusquines, Escapé con mió padre á recostines. "Mió madre q’ era diosa, aconseyóme Que axunte cuanto pódia y que me vaya; Si quiero llevar xente que la tome Y la métia nos barcos de la playa. Ansi lo fixe yo, que cuando el home Puede facer so fechu y se desmaya, Si la moza lu anda triendo en plazos, Disimule y encueya los costazos. "Non te quiero cuntar, oh Reina, coses Por menudo, por ser tan enfenites Como grandes: si oídes son gustoses, Al que les pasa y cuenta, pon sofites Les piernes, y de suyo rigurosos Lleguen al cuayu, dando por desquites Sospiros, |
 |
DIDO Y ENEAS
y tenrures, Que maten de pesar les criatures. "Pisamos mares sueltes y cuayades, Per cabo aquelles dos peñes traidores Que ya fono muyeres mal fadiades, La Scila y la Caríbdis, que favores Esperen de les ñaves destrozades Por estar convidando con sos flores, Y á penes lleguen á elles cuando encayen Y non pueden salir anque trabayen " Pasamos per un’ isla que tenía Unos homes muy Hongos y garzudos Con un güeyo no más y esti se vía Como arco de peñera, y tan sañudos Que con mui pocu achaque tragaría, Cad’ uno dellos cuatro de nos crudos. Destos un gran montón estaba otiando, De que para ellos fosemos llegando. " Allí mió madre invió una mensaxera En un arco amariello y colorado, Pa enséñanos de lloñe la carrera De la Italia, q’ está del utro liado, Tierra del Rey Llatín. Yo bien quixera Pescudai de daqué; mas con cuidado |
 |
DIDO Y ENEAS
En ñube se tornó mudando el traxe, Y al despedise díxonos: ”Bon viaxe” . ” En siet’ años q’ andube n’ estes coses Bien terné que cuntar, yo lo aseguro: Dexoles porque son muy llastim oses, Y date gusto ye lo que percuro. A to ciudá me echanon los mios dioses Y sete agradecidu á ellos te xuro: Guárdame allá esa ’spada y ñeñeríes Y sean tuyes ya les que son míes”. ”Encendei el candil, que vaya chase. Dixo la Reina: él ve si se llevanta Y va tras dél; pero escoyó quedase. Foi fuerza se metiese so la manta, Anque tardó muy pocu en llevantáse: Mas so ventura entoneles ñon fo tanta, Que chanon tarabica tres la puerte, Con q ’ illi lo sintió par de ha muerte. Fasta l’ alva la Reina con so hermana No acaba d’ alabar tan bona cosa, Y diz i : —¿Q ué faré ? Dímelo Ana, Porque anque yo
|
 |
DIDO Y ENEAS
lo sé, so vergonzosa, Y si quies veme muerta ó veme sana Non te ha pesar de veme gasayosa. Arrespuéndeme a' questo. ¿ Si estovieres Vilba, isti home qué fixeres? ” —” Si yo fora una vilba tan reciente, Ana i respuende, q' á nenguno date Quixiste de muy ñoble y rica xente, Ni á Yarbes que entamaba enquillótrate. Non despreciara la ocasión presente. El que morrió, morrió: puedes casate: Falágalu, carícialu y treveya; Que sinón á pesate en siendo vieya.” Tantes coses i dixo q’ allocada Foi fer un sacrificiu á los sos dioses, Y á pedios llicencia q ’ era usada; Y sacó les entrañes tan folgoses Q’ era lástima |
 |
DIDO Y ENEAS
ver desalliviada Muyer que fixo tantes bones coses. ¡ Cuerpo de San comigo! a la q ’ escucha Aqueso i bien quedar d’ aquella Hucha. Sos dioses, como ’l diablu l’ ordenaba, En calletre yos pon el dir á cacia: De perros y criados todo estaba Cercadu el monte sin temer desgracia: Buscando venación cad’ un andaba, Cuando una ñube tanta piedra allancia |
 |
DIDO Y ENEAS
Con aire y remolín, que por llibrase Para una cueva fonon atecháse. Dido, que se vió sola y sin criados, No afayaba dengún abrigadero: Dexándose guiar de los sos fados, Foi dar metá la cueva pel sendero; ¿Diremos ora que por dir moyados Estarín ella triste y él severo? Ello non sé; mas yo si allí me viera, Muy pocu á pocu sé lo que fixera. Salienon ya que vieran fer albancia, Y estuvieren allí más de seis hores: Non yos pareció muncha la tardancia, Q’ el tiempo non lu sienten los señores. Él per otru camín tomó so andancia, Y ella pel senderín, como dos flores; Dido, al llegar do estaben los monteros, Diz : —” ¿ Dónde está el Troyanu, caballeros?” Esto si que ye fer la desfilada: Cad’ un pel so camín; ansi te quiero; Y cuando está la xente ya axuntada, Que venga un pedacín él un primero, Y el otro co la voz desemulada, |
 |
DIDO Y ENEAS
Decér: ¡ cómo corrí! descansar quiero. Ser ye defecultá fer escudielles; Mas mayor ye y más val el entendelles. Fónonse á la ciudá como vinienon: El va muy cerca d’ ella y enfotado: Todos se marchen, y ellos se subienon Uno del otro cortexando al llado. Dalgunos mormuranon y dixenon Que de la Reina yera el desposado. Si é que i pareció bien, disimulólo; Y si i pareció mal, pardiez callólo. La que primero yera recoxida Tan honesta, tan xusta y virtuosa, Hora he lliviana, suelta, entretenida. Y a por el qué dirán non i da cosa, La que Reyes dexara presomida, La que fora muyer tan venturosa. Allá me lo dirás cuando te preste: Dexa que venga un poco de Nordeste. Dormiendo estaba Eneas cuand’ un xano Criado de los dioses lu despierta, Y diz i : —”¿ Cómo duermes tan ufano? |
 |
DIDO Y ENEAS
Para Italia te embarca, y será cierta To ventura: si ñón como inhumano Los dioses tornarán to dicha muerta" Fose sin dexai más q’ aquisti aviso Y él llama sos criados d ’ improviso. ¿Cómo dirá á la Reina so partida, Que está de enamoradu sin sosiego? ¿ Cómo podrá facer esta salida Si entre tantos favores está ciego? ¿ Cómo aquella palabra prometida Cumplirá como ñoble caballero? Resúelvese, y previén á los criados Que los barcos estén apareyados. La Reina que barrunta lo trazado, Diz i : —" ¡Traidor! ¿ La mano que me diste? ¡ Cruel! ¿ Lo que tenemos concertado? ¡ Engratu! ¿ Les fineces que en mi viste? ¿ Cómo les pagues? ¿ Cómo el mió cuidado Pagar para engañame ansí finxiste? Lloca me dexes, lloca, que afrentada Quedo, si tu te vas, y mal fadiada. " Por tí soi de mió xente aborrecida: Por ti á los Reyes todos soy odiosa: |
 |
DIDO Y ENEAS
Por ti ofendí á los miós, siendo ofendida: Por ti perdí mió castidá preciosa; Mió honor, mió fama que me daben vida. Y el nombre de muyer maraviosa: En medio de estos males y estes quexes, Será cierto morrer, si tú me dexes. "Ya si de conocéte yo tuviera Y para mió consuelu me quedára Un Eneas pequeñín, me entretuviera Cuando cabo el mió fuivo treveyara; Que en so cuerpu y so cara yo te viera: Con eso miós penuries engañára; Y si esto non ye así, non fayo medio, Que para consolame sía remedio. " ¿Agora que hé forzoso defendéme, Ye cuando entames tu la despedida? Nunca pense guardáme y escondéme, Nin parecer una muyer finxida, Nin con otru maridu entretenéme, Nin casada con otru facer vida. Diciéndome otra cosa desatino; Esto ye pan por pan, vino por vino" . —" Confieso estó de tí muy obligado, |
 |
DIDO Y ENEAS
Eneas i responde. Bien guardada Te llevo en corazón: yo soy mandado; Non tienes que miráme embelesada, Q’ abondo estó acá dientro escatimado, Porque dexo tan lluego la posada" . Dido cayó al oílu espavorida, Y metienonla en casa amortecida. Dempues q’ en sí tornó dixo á la hermana:
|
 |
DIDO Y ENEAS
Ve; que se embarca; adviertei que so Dido, Muerre, y que con falai quedará sana: Que ye el postrer favor que yo i pido" . Oyó el mensaxe, y diz: —" De bona gana Fixera lo que pide; mas despido Con decir que ye gusto de los Dioses: Di á to hermana que trate de otres coses" , Estalada oyó Dido la rempuesta, Y dixo: —" Quiero fer un sacrificio: Tenme la lleña aquí muy bien dispuesta (y esto sesuda sí, y en mucho xuicio); Sobr' ella miós vestidos los de fiesta S ’ han de poner, y para fer s’ oficio, Tamién pornás la espada, q’ amañana, Todo esto daré á Xuno con fe sana, ”Les dos esta traición desemulemos, Que más val que nenguno nos entienda, Pos riránse de nos si lo decenios: Agora vamos fer nuestra facienda. Tú puedes ir á ver lo que tenemos, Y mirar pe les coses en to tienda. Todo esto fó finxido para embialla |
 |
DIDO Y ENEAS
ningún la viés para estorballa. —" ¿ Ye posible se vaya isti malvado? (Dixo al quedáse sola); el embustero Fará burla de min? ¿ pos como armado Non pongo en contra d’ elli el pueblo entero? Barco non ha quedar que non sía echado A fondo, anque camine bien lixero. ¿ Qué vos parez? fiái de caminantes, Ca inda son piores q’ estudiantes. " ¿ Yo qué falo? ¿onde estó? ¿ qué frenesía Tien á mió entendimiento entretenido? ¡ Ay Dido desdichada! ¡ qué tardía Fuste en aseguráte isti partido! Más xuiciu y más caltér te convenía, Cuando en to casa Eneas fue coído, |
 |
DIDO Y ENEAS
Agora no hay sinón disimulallo; Q’ aunque te sepia mal habrás tragallo" . Vase xunto l’ altar ú están les coses Conforme lo mandó para quemáse; Y diz co les palabres llastimoses: —" ¿ Cómo tarda mió vida en acabáse ? ” Y con les manes blanques y amoroses La espada desbainó para espetáse: Y desque al blandu pechu la vio xunta, Con fuerza se tiró sobre la punta. Estaba co les ansies vueltes dando, Sin falar, que la sangre l’ afogaba. Les ferides y boca están roncando; Y cuando d’ isti modu Dido estaba Llegó so hermana y dames llagrimando. |
 |
DIDO Y ENEAS
Los güeyos quixo abrir, mas ya faltaba La fuerza, y espiró, que non debiera Pasada con espada na foguera. De tres maneres cuinten isti cuento, Mañana lu diré d’ otra manera, Pa que podáis sacar d’ aquí escarmiento. La casada, la vilba, y la soltera, La ñeña regalada á so contento, Cad’ una si quier bien aunque non quiera. Si olvidada se ve, para vengase, Diablu duda porná para aforcase. Antón González Reguera. Antón de Marirreguera. |
 |
Cantar y más cantar
Si el cantar, si el poner cara de risa de que unu ye dichosu fós la seña, quiciás la dicha tóa d´isti mundu tendrinla los paisanos en ´aldea. Y el que diz en ´aldea diz Asturies, rinconcín de mio amor, de xanes tierra; tanto más encantada y petecible cuantu solu á Dios débei so guapeza. Anduvi pe la tierra en que cuntaben que los Campos Elísios Dios punxera, y empruno á lo cimero fúi del monte, qu´entiarró con un gómitu á Pompeya;
|
 |
Cantar y más Cantar
Ví enllazase los álamos crecíos co´ la parra que d´ un en utru cuelga, y palacios, y estáutes, al fin tóo, pos sentada ´na mar miré á Venecia: y faciendo al mio modu comparances, co´ la idea p´ Asturies siempre güelta, non topaba daqué qu´ asemeyase lo que´ nella entamó la Onipotencia. Ya antes d´eso, y allá en mios mocedáes, pe los montes anduvi á mio faena, y al veme ´na más alta cuguruta, abaxo el mundu, el cielu ´na cabeza…… ¡Qué nonada tan grande paecía lo que facen los homes! ¡qué miseria! ¡qué grandeza Señor, yera la tuya!
|
 |
Cantar y más Cantar
¡qué grande vía entoncies to grandeza! Del Aramu que tien la primer ñeve, que ´spolvoriasti Tú enriba de la tierra, faciendo espayaderes de los aires, y de les nubes fiendo la peñera, tempranino miraba pa ´l Saliente, y llonxe, medio engüeltos co´ la ñebla finina, traspariente y sonrosada, Con qu´ el alba se viste ansí que ´spierta, y pasando p´ente ellos los rellumos tristes, que entós da ´l sol con so llinterna, via alzase d´ Europa los xigantes, faciendo á Covadonga centinela,
|
 |
Cantar y más Cantar
y allargando la sombra hasta mirase en el lagu de Nol; fonte del Deva, que afuraca el Auseva so la Virgen, y fondero, a sos plantes se despeña . Casi al frente, del llau de Colunga, llevanta el puertu Sueve la cabeza, que i dió á Roma les potres asturcones que subín de rodíes una cuesta. Allí baxo ´ta el monte de Naranco, el que tien engarzáa aquella perla, que á la Virgen llabrói el Rey Ramiru, Desque llimpió d´ Asturies la vergüenza. Y al par d´ ella aquel utru blincu d´ oro del santu San Miguel, del que con pena güelvo tristes, muy tristes, los mios güeyos
|
 |
Cantar y más Cantar
de ver que de sí mesmu ye güesera. Y mirando pa ´ntrambos ´ta ´llí Uviéo, al que i punxo quiciabes Don Fruela el cercau non más, pos ya Santiago ´elli el primer discípulu escoyera; que ansina, nel Pilar de Zaragoza, un vieyu pargamin hay que lo reza. A mios pies ´ta el Monsagru con so ermita, que ´nos siglos sirvió d´escondidiella á les Santes Reliquies, qu´ en Uviéo Tudu ´l mundu cristianu reverencia. Pel Poniente hay les sierres de Bedures, que ´l feniciu furó la vez primera, y, tras elli, el romanu que sacaba co les venes de sangre, d´ oru vena.
|
 |
Cantar y más Cantar
Entovía s´ atopen les migayes per un llau y per utru, y per Navelgas; y baxando pel rio á Cornellana cuéyenles los paisanos en ´a arena, que mezclen con el zogue y dempues llaven regolviéndolo xuntu ´nuna duerna. ¿Qué tó dicir de Cángues, nin de Pravia, de les Luiñes, Caranga y de Teberga; de Grao, de Quirós nin de Proaza, o sitios qu´ endayuri el güeyu viera? Yo non tengo palabres pa explicallo, y déxolo p´ algunu que más sépia. A lo llargo, mirando pa Castía, está la enrevesada y alta sierra, que allega desde el mar de Meudía, espurriendo los piés, á Finistierra. ¡Y pel mar!…… Dexarelo pa utru día, que sinon va llevame muncha xera, pos falta por falar lo que Dios sabe,
|
 |
Cantar y más Cantar
ó quiciás se me acabe la pacencia. Ente montes y montes, tantu valle, tantu riu s´ atopa y arboleda, tan hermosu, cada´ unu pel so estilu , que si dan á escueyer nadie escueyera. ¿Quién ye el que pintar puede el Paraísu, que dende Sobrescobiu hasta Riveras, quier dicir, desque naz fasta que muere, per ú pasa el Nalon con so agua riega? Aquí mansiquin cuerre per un valle; allí furó una bóbada na peña, acá cuerren y gufen sos rabiones, allá si un peñadal el sitiu estrencha, ó encuéyese y apierta un poco el pasu, ó, chando golfaraes, salta juera. Más abaxo y abriéndose en dos brazos, una isla, encantada entre ellos dexa, mientres d´aquí y d´allí mas rios baxen
|
 |
Cantar y más Cantar
á xuntase conel á la carrera. Nun llau da les truches regaláes, en utru les anguiles y llamprea, acá cria á montón esguinos rales, les traines , allá, de salmon llena. Y todo ello ente un agua cristalina, que cuanto hay fasta el suelu trasparienta, y arrodiau de praos , montes, cases, d´ espesura y verdor per cada vera. Aquí yera el cantar, aquí el riíse, si el riíse y cantar de dicha o seña, pos aquí tóo canta y rise tóo, flores, páxaros, aire, cielu y tierra. Les fontes están siempre marmullando, al gorgolar el agua de la peña, y los páxaros van de rama en rama cantando sos amores en so llengua.
|
 |
Cantar y más Cantar
El regatu paéz que canta y llora, de guixarru en guixarru y piedra en piedra, y les rames abáxense á besallu, abrazándoles él á la carrera , y dándoyos un besu en cada pómpara, que al xuntase con elles arrevienta, enriedáu con unes y con otres, paéz que apara un poco y arrepresa, pero esmuzse enseguida callandino, pos otres más abaxo ´tan ´nespera, y á tóes elles quédenyos pingando goteres como llágrimes queis dexa. El aire suaviquín y gasayosu, agua arriba, agua abaxo, les ximielga, y á poneles pingando y á secalles celosos un del otru van á tema. Ri que ri, sin parase á tomar fuelgu, ´an los grillos cantando ´na praera, galana co les flores á millares, que non más que la mano de Dios sema.
|
 |
Cantar y más Cantar
Per escayos y y sebes ropiellaos campanines, vilortos, mariselva, entre piñes d´ amores negres, roxes, que á miel saben, coides pe la fresca, del cenoyu, ´loriéganu, hortelana, de todo ello, faciéndose una mezcla, arreciende un golor que….. non se sabe, pero ´lalma adorméz y el pechu enllena. A la vera del rio, en que una nasa del cañal al remate truches piesca, remangau el calzon á los cadriles, un rapaz corta un ramu de salguera; y sacándoi con maña , en sin quiebrase, el cañutu que sal de la corteya, igua arteru un xiblatu con que toca al compas del son son de la reguera. Disti sen, á la sombra de carbayos, apeluquen les vaques herba fresca; si echa el mozu que llindia, una tonada, arruxídeni d´ otra carbayera,
|
 |
Cantar y más Cantar
y apórfien á quien más y meyor canta, sonsañándose el son y la cuarteta. D´ utru sen, p´ ente espesos castañales, que cadún tien un bálagu de fueya, sonen gaita, tambor y volaóres que fan en sin querer alzar la pierna. Ye que van con un ramu de seguío, nin sé si pa Llugás ó pa la Cueva, non fechu de rosquíes y panoyes, sinon que ye d´un añu una nuviella, galana, roxa llúcia y encintada, y entá ye poco pa quien ye la ofierta. Cuesta arriba blincando van les cabres, tosquilando llambiones la mortera; ansí qu´ oye el mozacu que les curia ´nutru ´scobiu ruxir dalguna llueca, desataca el zurrón que trai ´na ´spalda, saca d´ elli torcia turullera, da un toquidu qu´ enllena les cañaes y aténdi si dalgun i da rempuesta.
|
 | |
Cantar y más Cantar
Per encantu, ó non sé qué tien el cuernu, de sos coses, sin vese, danse cuenta con tal arte, que ye una maravía que naide, á non oillo, lo creyera. Ello ye que pel llanu, pe los altos, per el riu, pel monte y per uquiera, fáiga el llabor que fáiga l´aldeanu, que trabaye pa sí, que ´sté d´ andecha, tempranino, de nuechi, al meudia, que ´l mundu té regüeltu ó quietu ´stea, atentu al so llabor, él siempre canta, ó satisfechu ó pa ´scuerrer la pena. Si detras de les vaques perezoses rególvi col llabiegu fonda secha, ´nel sallu, cuando rinquen el morgazu, ó arralando el maíz cuando s´ arrienda; al siegar el narbasu y facer cuques ó panoyes llevar na esquirpia enllena; cuando texe les riestres ´na ´sfoyaza , ó, esbillando, el tarucu llimpiu dexa, atentu al so llabor él siempre canta ó satisfechu ó pa ´scuerrer la pena. Canta cuando pel sol del meudía co les mesóries les espigues piesca ó ´na era á dos files con manales les apália al compás y suelten la erga; y cuando la ravila y les ´muyeres bañen la ´scanda y en sin poxa queda. Y canta al cabruñar el so gadañu, con que, braciando, los marallos siega, y al montonar la herba nos barales, y enllenar la tenada desque seca. Y canta al xurrascar los castañales, que tienen los oricios boca abierta; Y dempues de demelos, al xuntalos pa que ablanden los pinchos en ´a cuerra. Y canta cuando ´ta mayando el llino; y canta si lo espoda y lo rastriella; y canten les mozaques en ´a fila cuando ´stan esmesando pe la rueca.Y al cueller la mazana y pisalla, y al dar güeltes al fusu que la apierta, y al enllenar les pipes co la sidra, Mezclándoi torcipié pa dai más juerza, entos ye el ijujú y son los cantares, pos anda la zapica muy llixera. Cuando fay un magüestu tamien canta, y en ´a danza que s´arma na foguera la víspera d´un santu ó de la Virgen, ó de la so parroquia al ser la fiesta. Allí ya el repicar de les campanes, y el tambor y la gaita dir á tema; allí ye el quemar ´árgomes á carros, y d´un llau y del utru co la trienta de fierru regolver los fogarales, qu´ á la rodiada allumbren media llegua. El fumu, les llapiaes, les povises, que caduna paéz que ye una estrella, retórniense pel aire, y hasta el cielu pon roxu el incendáriu que allí quema. Y dempués, al danzar na romería, canten unos delantre la cuarteta, y arrespuende el xentíu de la danza cantando la bendita Madalena. Por cantar ha cantar tamien el carru, que hasta tien ena exe cantaéra, y si non canta bien non ye de pasu, nin arranquen los güés, pos tienen pena, y mas que ellos á naide lo cuntaron tienlo el home chantao na mollera. A la postre el cantar tamien se acaba, que en mundu non hay cosa que non muerra; pero el que canta entóncenes ye el Cura por el alma del muertu. En gloria estea.
|
 |
 |
 |
| Lago. Aldea de la parroquia de Trevías (Valdés) Situada en una ladera en la que nace el reguero de los Molinos que desemboca en el río Esva o Canero, es de hábitat dispeerso. Su altitud es de 370 m. Tiene una población de 31 habitantes. Aparece en la relación de las brañas vaqueiras del concejo de Valdés. Por esta población pasa una de las rutas interiores del camino de Santiago. |
 |
| San Feliz. Parroquia de Trevías (Valdés). Tiene una población de 121 habitantes. Situada en una de las laderas cercana al río Esva, a una altitud de 100 m. Durante la Edad Media perteneció al monasterio de San Miguel de Canero. Por este lugar para una de las rutas interiores del Camino de Santiago. |
Comentarios
Publicar un comentario