Felgueras (Lena) Alceo (Lena)
Textos:
-Fueyines indianes.
-Sobre ´l Riberu. -Dos muyeres iguando un casoriu.  |
| Dibujo de la Ilustración Gallega y Asturiana. |
 |
| Felgueras: Partido judicial y Ayuntamiento de la Pola de Lena. Tiene 60 casas repartidas en el de su nombre y en los cas, Alcedo y Palacio. La Iglesia parroquial San Lorenzo Mártir. También hay una ermita dedicada a San Antonio en el pueblo, y otra á Santa Cristina en el término. |
 |
Fueyines indianes
Rosa ´l corazón: Tristacu,
y co ´l alma escolgueyada,
afallábame, mio vida,
cuando recibí to carga.
Cantaba por desemulu,
pero mis penes cantaba,
al son son de les cadencies
d´ aquesta triste tonada:
-¡Ay de la mió patria dulce!
¡Ay de la mió dulce patria!
¡De la q´ escolló la Virxen
nel mundu pa so morada!-
Non sabes lo q´agradezo
que mi unvías ena to carta
el benditu ´scapulariu
d´esa Virxinina santa
de Cuadonga, q´ha mió amparu
ser en campu de batalla.
Pos, Rosina: tó deciti
que si tiés con cachacia
los ringlones en que fales
de la Virxen Soberana
non pensás más qu´ en rezar
de la tardi á la mañana
si non los que d´á segundo
fales tamien de la patria,
de los pillos ensurreutos
y de la faución cubana
con tal xeniu…. que ´l sudor
muéyame toda la cara
y pónsemi cada pelu
tan tiesu com´una cádaba.
Dices bien: pa ser cobarde
más valiera tar en casa
collendo pe los llimiagos
ó tres ´l rau de la vaca.
Bien sé por qué mi lo ´scribes
coraxuda y enfadada:
acuérdeste de la noche
en que taba yo ´n to casa,
y pintó ´n ella ´l pedániu
sacando d´entre la faxa
el diañu de papeleta
que por quintu ´m afiliaba.
Vistime que punxi un ceyu
tan grande com´una albarda,
y escurro que, pa mió idea,
non ti fexo muncha gracia,
bien lo conocí: creisti
que de medrosu lloraba.
Non seas burra, y has de crelo,
porque, ´l demorgu migaya,
si por mieu al ensurreutu
puedo yo char una llágrima
Pena mi daba ´l dexate
tristina y abandonada,
y veníami ´l sentimentu,
dende los plegues de ´l alma,
ya enllenos, á rebosar
pe los güeyos de mió cara.
Por eso, cuando ximía,
desemulalo pruñaba
camtando al son de les llárimes
¡pinga….pinga! ..esbarria…. esbarria,
depeñades nes mexelles
matábense en mió garganta:
¡Ay del pueblu de Rosina!
¡Ay de Rosina la casa!
¡Ay de la mió patria dulce!
¡Ay de la mió dulce patria!
D´ aquella q´ amorosina
escondió la Virxen santa
entre válagos de roses
á cuala mas regalada;
y refrescola con brises
y con gotiquines d´agua
entre rayines de lluna
y entre sonrisines d´alba.
¡Ay de la mió patria dulce!
Ay de la mió dulce patria!
¡De la qu´ escolló la Virxen
nel mundu pa so morada-
Pos, Rosina: non estrañes
que fasta ´l fin de la carta
del asuntu del retratu
non ti hubiés falau palabra,
con tou y con ser el tuyu,
y con tar ´n illi galana
más que la rosa ´n so huertu
ximielgándose ´na caña.
Bien vego que te punxisti
rellambida y repicada
pa qu´el bon del retratista
te sacás sin una falta.
¡Ay Dios! y, si como ´l cuerpu
la vertú se retratara,
meyor retratu que ´l tuyu
non s´atoparía ´n España.
Salisti per-bien: graciosa
y gayaspera de cara,
que, del blancu del piscuezu,
colóriase avergonzada
Los güeyinos bien mi alvierten
qu´en frente d´aquella máquina,
y en mediu d´aquel silenciu
estabes daqué asustada.
Mal fixisti, pa mió idea,
tener la boca cerrada,
pesllando, ´n un calabozu
de roses, dientes de ñacar.
Non te güelvas retratar
otra vez con arrecada
si yes doncella: q´ al cabu
ye noticia d´emportancia
el saber si tas soltera
ó saber si tas casada.
Les arrecaes, pa les vieyes,
y les casades, rapaza
y pa les tos oreyines
almendrines d´oru y plata.
El dengue de terciupelu
con corales d´acebacha
falagando amorosino
´l albu senu, q´amenaza
con españar la buyeta
de la cotilla floriada,
Per bien, la centurina,
cíñese con una cuarta
de coleta de romeru,
texida y enxareyada:
de roses, q´ han ser abondes
con media docena escasa.
El mandilín, guapu, ricu
y de seda bien llabrada
y cortín, q´ á la rodilla
con munchu trabayu algama
tenta un santu, y la sayina
bien fecha y enaguyada,
con franxes de terciupelu
y dexando ver la blanca
media per sobro ´l todíu
algo más d´una polgada,
semeya una campanina
d´eses que da aquella planta
que ñaz entre los trigales,
y en cuantes que sal de nana,
con llazos de corrigüela
aprisiona, esguila y ata
una espiga y otra espiga
y una paya y otra paya,
igual que fai una neña
que reviciosa y folgada
con falsos llazos d´amor
aprisiona y afilvana
un sin fin de corazones
enos plegues de so saya.
Igual falta que ti punxi
falando de la arrecada
tamién ti la pongo agora
por calzar la media blanca.
Pon la azul, siempre que quieras
pasar por moza asturiana
delantre d´ entelixentes
de ñoble cuna y crianza;
pos ya que vistes de fiesta
vístite como Dios manda.
La media azul foi ´ñun tiempu
la media de l´istocracia,
y la blanca toos los díes
foi más plebeya que riala;
básteti saber que ponla
cualquier aguacil con maza,
y lo mesmu cualquier tíu
de esos que zurden la tralla.
Y nó más sobre ´l retratu
que ti agradezo ´n el alma
en so neta ´mponderanza.
¡Rosina!… ¡Anxelín del cielo!…
¿Non quiés sonrir? …¡Mentecata,
pa que pesllasti la boca!…
¡Tas per-bona, tas per-bárbara.
Has de escribimi, mió xoya,
porque ´l amusgu me mata
si pases tres santos díes
en sin que reciba carta.
Ri-ite muncho con la mía
mentantu que ´n ista “cuadra”
trimo, desemulo y canto
al son-són que llora ´l alma.
-¡Ay de la mió patria dulce!
¡Ay de la mió dulce patria!
¡De la qu´ escolló la Virxen
´nel mundu pa so morada!
Adiós, no olvides les señes:
“Cazadores de l´Habana”.
Marcelo Antón de Pacha.
El Oriente de Asturias. Domingo, 22 de Septiembre de 1895. -
|
 |
Sobre ´l Riberu
Per deliciosu canal
cercau de casas y cuetos,
el Carroceu perezosu
esllízase terreciendo
dexar so Llanes querida
pa sumise ´n mar sedientu.
Con sos jolinas suaves
que va despaciu espariendo
vien escontr´ elli la mar,
llambe el arenal mariellu
y enllena la guapa cuencia
que se torna en claru espeju
de la poética Villa
incantu de nuestros güeyos.
El agua salau y dulce
axúntase sin estruendu
con aneos divirtíos
y monadinas y enriedos
Algo más entra ´n ´a mezcla
de las aguas del Riberu,
algo que debe callase
(demasiáu tresciende ello!)
que e perjume nada sanu
y munchu menos poéticu.
Nuestru ilustre Monicipiu
ó por jallase algo lexos,
ó non tener nariz llarga
y sí vista gorda, ello
é qué á golor tabn morbosu
no aplica prontu remediu.
Dos veces al día llénase
el deliciosu Ruberu
que las lanchas pescadoras
y los vapores costeros
taraxinga en sos cristales
al son del cantar y el remu.
Dos cuadros á cual más guapu
dende mió casa contemplo,
y en velos pierdo tamién
güenos peazos de tiempu:
Unu, el del mariellu calce
ensuchu, de arena el suelu,
con algun cuetín y algunas
islinas que el Carroceu
jaz pe´´l sable cuando baxa
en surcu nada derechu.
Otru, el trasparente llagu
pobláu de mubles lixeros
con escaminas de plata
que por sos brincos y xuegos
paecen travesaos rapaces
saltando en horas de asuetu.
Llegan con pescáu las lanchas,
y alegran los marineros
el puertu, el hogar, la Villa
dempués de pasar mil riesgos
pe´la mar engañadora
que ios da muerte ó sustentu.
Y hay otru cuadru entovía
pa´mi en plácidu Ribeeru
cuadru interior, subxetivu
y por endi algo más seriu,
que cuadros de reflesión
encuellen al más serenu.
Esi llenar y vaciar
que non samece un momentu,
esi vaiven tan midíu
en extensión como en tiempu,
esos llatidos xigantes
de un corazón sin semeyu,
imáxen son de la vida
po´lo variable y lo inquietu,
y parllan de eterna lucha
jecha apode, y con intentu,
de perpetuar l´existencia
conforme á mandatu aneyu.
Pero, ¿á qué buscar negruras
en llugar tan pintureru?
L´ ati, mar de mió tierrina
mézclate co´ ´l Carroceu
celebrando el maridaxe
siempre vieyu y siempre nuevu.
Que en esas tos ondas rizas
puedan pavoniase prestu
grandes barcos que den vida
á la industria y al comerciu,
y el bienestar y grandeza
que merez tan meju pueblu
trabayador, animosu,
llistu, siempre al bien dispuestu,
arrogante, hespitalariu,
patriota y limosniegu.
A.
El Oriente de Asturias. Domingo, 9 de Agosto de 1896. -
|
 |
Dos muyeres, iguando un casoriu
-Mira, muyer, en lo tocante á Ramonín, yo nada tengo que decir de elli. La rapaza, pa que tú comprendas, no tien madre; y yo, como soy una tía de las más allegaes, na más razonable y puestu en puntu de que-i dé un conseyu. Dimpués, que ella tire per onde quiera. Pero, si no-i pinta el casoriu del todu bien, que no se venga lluego cantando nes oreyes que si yo fice ó dexé de facer.
Pero, entós usté dígame: ¿está conforme con que se case?
-Conforme del tou, non por ciertu, porque ella ya perdió bastante buenes comenencies; pero, como á min en ello non me va ni me vien ni tantu asina, que faga de so capa un sayu, y con so pan se lo comia.
-Pos bien, decía la xente del pueblu que yera por usté por lo que taba parada la boda.
-Daqué de razón non yos faltaba.
-Ya paeció aquelo.
Non, si yo en lo tocante á decir verdá, nunca pa ello tuvi pelos ena lluenga.
Vo dicite. La mió sobrina tien dos mil cien riales en hacienda, á más de un cuartu de horru, y el terciu y quintu más de la cuenta de la manda de so madre.
-Non ye tan poco.
-Por eso mesmu; porque non ye tan poco, plantéme yo, y el domingo dimpués de misa, llamé al padre del mozu y pregunté-i qué había de aquelo. ¿Y sabes lo que me contestó?
-Tá bueno de saber.
Pos que so rapaz abondo tenía co la so persona sin q´además llevare de casa ni un maravedís.
-¡Miá pá allí!
-Con que ya ves, muyer de l´ alma, ¡cómo se vos fegura que yo voy pasar por éso!
-¿Y entós, qué ficisti?
-Finqué pies en parea, y primero i arranco el moñu que la deje casase, é verdá que sí. ¡Non, pus! ¡Pos yera lo que faltaba! Una rapaza como la mió sobrina que ye tan d´aquello pa tou y con más de tres mil rialicos de dote, ¿va casáse con esi demoniu, sin oficiu nin beneficiu, y á más non llevar al matrimoniu, ni el validor d´una perra.
-¡Home, quiá! Primero la unvío á servir á Güenos Aires.
-Muncho me choca lo que me dicen, porque la familia del mozu está bastante bien.
-Demasiau bien.
-Entós.
-Ye que tou lo quieren pa sí. La mió fiya toque ni mañana ú otru día, como quien diz, otros mil riales, porque dai el tíu dos nuvielles. ¿Visti nada más justu que el rapaz llevara el carru grande d´escripia que tienen?
-Claro; ya tenin pa dir tirando.
-¡Miá qué milagro. Pos nin éso.
A la sazón se aproxima á ellas una muchacha, no muy mal parecida. Sin duda es la novia de que hablan.
-¡Milagru que vienes sola!, dice la tía de la muchacha: ¿dónde dexasti ese cazuelón?
-Quedó col padre en mercau del ganau.
Al paecer ya tá conforme con dai una xata y está vendiendo otra para los gastucos de la casa.
-Non me paez mucho; pero, en fin, del mal al menos.
Y el empedernido corazón de la tía se ablandó con lo de la xata. ¡Todo está en que haya igualdad en el matrimonio!
Cuco.
El Oriente de Asturias. Llanes, 17 de Octubre de 1908.- |
 |
| Alceo . Aldea de la parroquia de Felgueras (Lena). Se halla sobre Palacio, en el camino que procede a media ladera desde Corneyana y L´Escobal, y pasa por la ermita de Santa Cristina. Su población es de 21 habitantes. |
Comentarios
Publicar un comentario