Bosque de Cea-Llerandi (Parres)

- noviembre 06, 2018

Textos:

-Xuncu y el teléfono.

-Asustador asustáu.

-Bruxerías.

-El rozu de Cuencu.

-Lingua Lengua.

Salida del Altu Caleru en la carretera de Llerandi, en el cruce de donde parte la pista que se interna en el valle del río Mampodre. Alli mismo unos paneles explicativos indican la ruta a realizar. El camino desciende hasta el nivel del río El Sedu. A la derecha dejamos una pequeña cascada la de El Chorrón. Junto a las fincas de Llombecina muere la pista. Desde allí continúa un marcado sendero que desciende hasta alcanzar la riega Bramador que cruzaremos por un pequeño puente de madera. Llaneando junto al arroyo, y sorteando el habitual barrizal , en poco tiempo alcanzamos la segunda riega, la de Tornu que cruzaremos por otro pequeño puente. Desde este punto la senda inicia un pronunciado ascenso. Se da por finalizada la ruta en el Altu el Caleru.

Xuncu y el teléfono.

Punxisti ya ´l parte, Xuncu?

Cuntareti: estevi ´n Nueva,

vi á Peri, di-y el papel,

abrió en siguida una puerta,

y entró ´n un cuartín estrenchu

en onde pe´la parea

víanse sobre unas tablas

ruedinas, caxas y cuerdas,

campaninos y reló

y munchas más menudencias.

Yo ´staba com´un babayu

co´la boca mediu abierta,

cavilando en si sería

un estrumentu de cuerda,

cuando un campanín de aquellos

repicó con lixereza,

y Peri pescó un ruedín,

puénxolu xunt´á l´oreya,

y, encolléndose, llamó:

¡Rosa! ¡Rosa! (con voz recia.)

Feguréme que llamaba

á una muyer de allí cerca,

que estaría, verbi ´n gracia,

á otru llau de la parea;

pero al saber que vivía

esa Rosa en Ribisella,

dixi-y: cuando yo sea obispo

recibierá la rempuesta.

¿Cómo quier elli que lu oya

si ´stá ´n ´ a Villa, á dos leguas?

¿Tien elli voz de campana

y sopla ´l vientu con juercia,

ó diablinos y bruxinas

que vayan deprisa y vengan?

¡Demói co´´l hombre! ¿barrúntame

tan panoyu y tan babieca?

Diga, ¿habla ´n seriu ó se burlla¿

¿Está tochu ó se chancea?

Muy desto, dixo que aquello

era formal y de veras,

y yo viénime pa casa

sin entender una lletra.

Dempués Jorge ´l Camineru

vieno á dicimi á la puerta

que ´l tilingrama va andando,

y enllenomi la montera,

porque yo ´n eso non creo,

anque me la xure Pepa

mió vecina, non pué menos

de ser alguna escurrencia

del mesmísimu Pecau

que jila delgau y apriesa.

Tú ¿qué dices?

-Que e muy ciertu,

son llabores de la Cencia

pa que unu pueda parllar

co´los que pe´´l mundiu tenga;

e lo que llaman teléfono….

Taléfano, ó lo que sea,

el diañu lu enventaría

que non humana mollera.

¿Cómo corre allí la voz?

¿E com´una cañavera,

llargu, sin ñudos, tou güecu

y con un soplíu allega?

-E lo que visti en cuartín

y un alambre per ajuera,

si el nunca vistu estrumentu

quieres entender á medias,

pondreti unas comparanzas

tan lisas y tan sin güeltas,

que no ´ ti cueste ´l sabelo

más que ´l tirar una secha:

¿Non visti cuando se axunta

muncha xente ´n una iglesia,

ó en alguna romería,

ó en una nombrada feria,

que se aprietan y se ´struyan?

-Sí.

-Pes güenu; jaci cuenta

de que vien unu corriendo,

y co´la juercia que llega

da un emburrión al primeru,

ésti dalu al que ´stá cerca,

ésti al que tien per delantre,

y al otru, á diez, á sesenta,

hasta llegar al postreru,

que asina enterau queda

de que emburrian á la xente

dende la parte de ajuera.

-Ya; pero de un emburrión

á una noticia….

-Tú espera,

que ya lo irás entendiendo

si tienes meyor cabeza

que ´l to rocín, ¿reparesti

cuando ´n una viga pegan

á una punta, que á la otra

claramente ´l ruido llega?

-Verda, pero va pe´ ´l aire…..

-Non, que si arrimas la oreya

suena más juerte.

-Muy ciertu.

-Y echau en ´a carretera

¿sintisti llegar un coche,

ó un caballu que trotea?

-¡Mialma que sí, y non pe´ ´l aire!

-Pes la razón e la mesma:

peaciquinos de las cosas

que los güeyos non aprecian,

por ser tan pequerixinos,

y que se llaman moléculas

en ´ a jabla de los sabios,

son los que á lexanas tierras

tresportan cualquier sonidu

cuando yos toca de cerca.

En parte son hombres

los que jacen de moléculas,

en otra parte cachinos

de mineral ó madera,

y así van pe´los alambres

corriendo la rumandela

nuestras señales y voces,

tan aína, tan lixeras

como ´l rellámpagu mesmu,

por ser la corriente eléctrica

la que yos da el emburrión

con arremangu y con juercia.

-Guapamente; pero dimi,

las moldículas….

-Molécuas.

-Las monéculas ¿son xente

que nuestras cosas entiendan?

-Son elementos sin vida,

de condiciones tan güenas,

que nos ayudan y sirven

como el ganau y la tierra,

sin que ellos mesmos conozan

el serviciu que nos prestan.

-Y ¿están como en esconditu

las envisibles monéculas?

-Escondidas no´lo ´stán,

pero como si ´stuvieran,

porque hay miles y más miles

en un graniquín de arena.

Si joras incantador

y á una vacona jicieras

chica com´una jormiga,

y á la jormiga una merma

dieras igual que á la vaca,

eso jora la molécula.

-¡Coime! ¡tan chica sería

que el demoniu que la viera!

Más chica que los microbios

que con antioyos alcuentran.

Pero non, pierdi cudiau

que si yo incantar pudiera,

jago de jormigas vacas,

pero nunca vicinversa.

-Ya me entiendes; no´se ven,

pero ´n ´ os cuerpos se encuentran

de los varios materiales

repartíos pe´la tierra.

-Yo ´sto que atochezo y pasmo

co´las envenciones esas,

que si sonsoñan incantos

demoniuras asemeyan.

¡Josús! M´añu pa´ ´l degorriu,

que ´n ello andará por juercia

en compaña de las bruxas!….

-¡Qué ha de andar! Non seas babieca,

obra divina i llamara,

pos la humana entelixencia

que tales cosas discubre

Dios pe´la mano la lleva,

dandoi aquí beneficios

y allá salvación eterna.

Ahora diréti qué son

los campaninos y ruedas

y parllaréti de imanes,

reóforos, pilas elétricas,

carretes y condutores,

micrófono….

-Por Dios dexa,

que ya mi armesti un barullu

grandísimu ´n ´ a mollera

con tilingramas, taléfonos,

eletricidá y monéculas.

Y anque lo digas más claru

y corriente que la fresca

agua que ´n Piñuelu surte

á diez pasos de Noceda,

quédome jaciendo cruces,

y pasmau, y jechu ´n bestia.

Jueyinas del mió güertín. Amable González Abín. Madrid 1911.-

Asustador asustau

Cortejaba Nardo á Lina, la morena más salada de la parroquia de B. Cortejábala tamién Nelón el sancristán y los dos cortejos tenían que pasar, de noche, pa dir á vela, per xunt´ al campusantu del llugar, ue ´stá en sitiu solitariu, cerca de l´ Iglesia.

Nelón tenía endiabladas entenciones, y á tou trance quería que Nardo i dexara francu ´l camín de la casa de Lina.

Pero n´ se atrevía con Nardo, que xugando ´l palu era temible ente los mozos del pueblu, y descurrió da-i un sustu, apaeciéndose-i en fegura del alma del otru mundiu.

Y como por ser sancristán y enterrador tenía las llaves del campusantu, y atrevimientu pa entrar ´n elli de día y de noche, determinó dir allá y esperar que Nardo pasara.

Era noche de lluna, pero de mediana claridá, por mor de los turbones que corrían pe´ ´l cielo. Nelón pescó una sabanona, y engolviéndose ´n ella, plantose ´n ´a parea, y esperó la llegada de Nardo.

Pero Nardo non paecía venir.

Pasó una hora; pasaren dos, y ya Nelón se diba cansando, cuando sintió pasos apagaos pe´él campusantu.

Golvióse y quedó atemorizau. La Muerte, con una guadañona brillante, venía jacia onde elli ´staba, al mesmu tiempu que Nardo ´ntraba pe´la caleya.

Llocu de miedu saltó la parea dando gritos y pidiendo misericordia. Prendió á correr sin sabé lo que jacía, y metióse ´n un bardal, onde se puenxo como un ecihomo. Salió de allí como pudió; siguió corriendo, ciegu, y cayó ´n una poza jonda y llamaciosa. De allí tuvieren que sucalu Nardo y un primu de Nardo, sin sintíu, mediu ajogau, llenu de llamaza, y dempués de golvelu ´n sí, llevárenlu pa so casa.

Del sustu, de los arañatos y escalabraduras que se jezo Nelón, estevo ma ´e quince díes, ´n ´a cama, deliriando co´ la Muerte.

En cuantas que sanó, no se acordó más de golver á cortejar á Lina, la guapa morena, y menos de meter miedu á nengún.

Tan grande jui la medrana que i intró, que dixo-i al cura buscara otru sacristán, que elli cambiaba de oficiu.

Y ¿sabés quién era la Muerte?

Barruntando Nardo la xugada de Nelón, asistiólu, y vió como se ensabanaba pa asustalu.

Entonces avisó á so primu Xulián, y ente los dos urdieren la morruda broma que asustó al asustador.

Por eso tardaren tantu en llegar al campu de los muertos.

Al mesmu tiempu que Nardo entraba pe´la caleya, diba Xulián campusantu alantre á la ´spalda de Nelón, armau con una tremenda guadaña, y una vestimenta que paecía un esqueletu diendo á segar.

Dempués del sustu, la carrera lloca, los esbardiatos y el remoyón, Xulián escondió el vestíu y la guadaña, y ente elli y Nardo recoxeren á Nelón y llevárenlu pa so casa.

Hoy no´hay quien pueda quita-i á Nelón de la cabeza que jui la mesma Muerte la que lu persiguió aquella noche con entención de corta-i el piscuezu, en castigu de haber tratau de asustar á Nardo.

Jueyinas del mió güertín. Amable González Abín. Madrid 1911.-

BRUXERÍAS

Bastián- Escucha, Poldo, díxomi Sendo ´l otru día que ya no´hay bruxas, nin trasgos, nin duendes.

Poldo- Non sabe lo que diz.

Bastián-Pero ¿hailos?

Poldo- Pa jablar de una cosa hay que conocela. ¿Tú sabes lo que son bruxas?

Bastián- ¡Claru que sí! Las que montan en escobas la noche del sábadu pa dir á la xunta semanal en ´os campos de Cubera, las que….

Poldo- Pes no´lo sabes. Las bruxas, Bastián, jacen lo que los lladrones, non vienen á descubríseti, diciendo que lo son.

Las bruxas, van más adelantadas, visten bien, montan meyor, despelleyan al vecín con más arte y desimulu que nunca. Por eso cuesta más trabayu conocelas.

¿No ´haber bruxas? Dimi sinón como yos vas á llamar á las que con capa de cristiandá desjuellan á la xente, las que por puru gustu y pasatiempu ponen en guerra las casas pacíficas. El mesmu cura de to pueblu que e un santu varón, dirati que esas son las bruxas.

¿No´ haber trasgos? ¿Qué son, entós, los que per equí y per allá enriedan y trestornar los negocios de los hombres de bien?

Lo que pasa, Bastián, e que las bruxas y los trasgos progresaren, y, como xente que tien más de pícara que de hermosa, jacieren lo que el demoniu, que no e lo que muchos creen.

El diablu, llamau Llucifer cuando era güen ánxel, desmpués Satanás, el Pecau, el Enemigu, etcétera, e pa unos un bodoque al que todos engañan vendiendo-i el alma y jaciéndo-i trampa dempués. Tan bobu lu creen algunos, que hasta cuntan casos en que i jacieren traer dineru y más dineru y echalo ´n ´un sacu sin que elli conociera que ´staba ajuracau y tou se salía. Pa otros e la mesma malicia y picardía; dicen que non duerme, que siempre ´stá alerte en so trabayu de perdición de las almas.

Diablóricas dicen que son las grandes envenciones, y arte del degorriu tou lo que endica muncha llisteza.

Por esto mesmu e muy diferente de como lu pintan, con cuernos y rabu, rustiendo las almas ó cociéndolas en grandes calderas.

Pa que veas lo que el diañu alantó có ´los tiempos, ensiñareti una ´stampa en que ´stá como un rey, en luxosu palaciu, rodiáu de comenencias modernas, onde tien ricos tapices, cuadros, muebles, librería, salón de billar, tou lo que puede apetecer.

En so cámara que paez la de un potentau, veraslu ´n un sillón que paez un tronu, cantando entusiasmau y tocando la vihuela, mentres-i están sirviendo las once y preparando-i un güen banquete pa elli y pa sos amigos.

Tamién pasa ´l tiempu xuganto á las cartas, al dominó y á toa clase de xuegos; pasea en atomóvil, y se sabe que i gustan un disparate los aeroplanos.

Anda vestíu con muncha elegancia, y debió mandar que i cortaran los cuernos y el rabu, porque no´ se i ven. Acasu habrá pensau que no ´i jacían maldita la falta, nin pa turñar, nin pa ´spantá las moscas.

Tampocu necesita los terribles jorcaos, ni´ las calderonas, ni el jueu abrasador. Ahora hebo un cambiu completu en ´os castigos infernales:

A´los condenaos que terrecen el agua, manda dayos güenos calumbones y echayos gandes churros dende muy altu, y estos mesmos castigos aplica á los luxuriosos , á los vocingleros y á los que tienen mal xeniu.

A los amigos de paseos y divirsiones, que non piensan ´n otra cosa, piesllalos ´n un cuartu escuru, jaz ayunar á los zampabotiellos, trabayar á la juercia á los jolgazanes, dar á los tercos contra las pareas.

Obliga á los amigos de lo ayenu á pasiar per delantre de una casa toda de barrotes de jierru. Adientro ven todas las cosas que yos gustan.

Los borrachos tienen que beber agua á tou pastu; los parllateros y mal jablaos, mordese la lluenga, los codiciosos están encargaos de dir á repartir dineru y cosas entre los probes.

A los envidiosos ensíñayos el bien de los otros en munchos espeyos, y á los soberbios y fatos, jazyos andar en cuatro patas y reguznar.

Como “el que tien badillu no se quema”, Satanás non jaz más que mandar y disponer, y tou lo jacen á toca teja los munchos diablinos que tien empleaos.

Elli tien de tal modu montau aquello al estilu modernu, que non llega á lo terrible de otros tiempos, y en sin embargu, bastante pa que todos tengan miedu á aquel llugar de castigu, y enmienden so vida.

Ya ves Bastián, como tou cambia y se altera ´n estos tiempos. Bruxas y trasgos tienen que haber jechu otru tantu, pes hasta el mesmu demoniu sabe modernizar so establecimientu, quitando-i el horror tradicional, sin que los castigos dexen de dar güen resultau.

Jueyinas del mió güertín. Amable González Abín. Madrid 1911.-

El Rozu de Cuencu

-¡Hola, Roxu! ¿Cómo ti va?

-Hay salú, gracias á Dios, y tú, ¿cómo ti jui per esos madriles?

-Muy bien, gracias. Y ¿qué hay de güenu, pe´ ´l pueblu? Cúntamilo mentres cabruñas esparrancau sobre ´l herba tierna, á la fresca sombra de esi nozal.

-Poca cosa; lo de siempre: los teyeros pe´ ´l mundiu, ganándolo á juercia de trabayu y de ajorru, los pueblos tan probes y tan olvidaos, porque los que mandan, tantu casu jacen de nos, como de un riñón de ´sperteyu.

-E l hestoria de todos los díes, munchas promesas pe ´ ´l aire, que esti se encarga de ´sparder. La culpa no e toda de ellos; vos jacés los ídolos, pa que lluego no´vos ayuden ni ´ atiendan.

-Tú ¿visti dalguna vez esos xigantones de la pulítica, esos deputaos de floridu parllar?

-Dacuando; pero no´ero aficionau á esas peleas de lluenga, sin frutu, jechas en tantu que vosotros estáes descuajaringándovos pa cavar, arromper, segá ´l herba y carretar rozu. Y jablando de otra cosa ¿hay alguna noticia de verdadera emportancia per ehí?

-Home, sí. Aparte de que en Nueva y Posada cerrárense las estaciones del teléfano, por causas que Dios quiera desapaezan lluego en bien de tan comeniente meyora, tenemos acabada la casa del Xuzgau y esti mudau á ella, y tratan de traer una juente al mercau y poner en ríu un llavaderu.

-Hay algunos rayos de sol co´la venida de los indianos que unidos unes veces co´los de allendi la mar, y otras co´ los que hay per acá, emprienden obras beneficiosas pa todos. Apenas va cuatro díes que llegaren indianos á Sobraltu y ya ente unos y otros se regüelve la idea de traer una juente y jacer una ´scuela. Esto bien merez que lo pongas en ´os papeles ¡recontra! porque nunca las emponderanzas estarán meyor empleadas.

-Perdi cudiau.Los nombres de esos jiyos, amantes de so pueblu, dirán en lletras de molde, anque selo debieran en lletras de oru. Sigan per tan guapu camín, y lograrán el merecíu agraecimientu y aplausu de paisanos y folasteros.

-Vo cuntati agora lo que acaeció en Jousecu, en prau del Llagartu: Dixérenmi que unos segadores mataren una culiebre que tenía cinco cuartas de llarga y una de alas, prega de que ya se diba jaciendo cuélebre.

-Y tú, creístilo?

-¡Qué to jacer! Créolo ¡carapia! anque el mio ernu diga que e una belurdia como una casa.

-Tien razón. Eso de culiebres que se jacen cuélebres y volan á la mar ha de ser unu de tantos cuentos mitolóxicos como todos los faulosos que embaecen á la xente creendera que non descurre, y cuando más serán recuerdos de animales primitivos que ya desapaecieren.

-Pero veo que vas pa ´lante como ´l cámbaru, porque gastas eslabón, mecha y otros avíos de sacar jueu.

-Sí, por dos razones; la primera pa non paeceme á Sico ´l Pote, pes co´las cerillas del monifolio…..

-Monopolio.

-Eso; del mono…. non se cuentos, poniérensemi las ñarices más prietas que un cazu; la segunda razón por inconomía.

Economía, se diz.

Xustu; enriédasemi la lluenga con esas palabras tan enrevesadas. Güenu, la conversación gústami, pero ´l tiempu llárgase sin avisar; el cabruñu ´stá jechu, conque vome á echar unos maraños; alégrome munchu de la salu; ya parllaremos más despacou. Jasta´s á lluego.

-Adios, Roxu, y si alcuentras otra culiebre con alas, pescamila viva ó muerta, que per esos mundios veranla con gustu.

Jueyinas del mió güertín. Amable González Abín. -