Trascastro (Cangas del Narcea)

Textos:

-Cantar y más cantar. 

Dibujo de Alfonso

Trascastro. Lugar de la parroquia de Leitariegos (Cangas del Narcea). En el libro de registro de Corias, se sitúa en sus términos el hospital de Cafrenale, relacionado con la ruta que atravesaba el puerto de Leitariegos camino de la Meseta. Hasta 1921 perteneció al concejo de Leitariegos, año en el que fue anexionado a Cangas del Narcea. A pesar de su histórica relación con Leitariegos en lo eclesiástico pertenece a la parroquia de Santuyanu d´Arbas. Se dispone sobre una suave ladera que va perdiendo altitud hacia el cauce del río Naviego. Cuenta con una población de 35 habitantes. Ofrece un caserío agrupado con buena arquitectura popular. Algunas de sus casas lucen en sus fachadas escudos de armas de varias familias nobiliarias. Su nombre aparece ligado al castro que se encuentra debajo del pueblo y que fue catalogado en 1964 por José Manuel González. 

Cantar y más cantar

IImpresiones de Asturias

Si el cantar, si el poner cara de risa

De que unu ye dichosu fós la seña,

Quiciás la dicha tóa d´isti mundu

Tendrínla los paisanos en aldea.

Y el que diz en aldez diz ´n Asturies, 

Rincnín de mió  amor, de xanes tierra; 

Tanto más encantada y petecible

Cuanto á Dios debe solu so guapeza

Anduvi pe la tierra en que cuntaben 

Que los Campos Elisíos Dios punxera,

Y en pruno á lo cimero fúi del monte, 

Qu´ entierró  con un gómitu á Pompeya;

Ví enllazase los álamos crecíos

Co  la  parra que d´un en utru cuelga, 

Y palacios, estáutes, vilo tóo,

Pos entada na mar miré á Venecia.

Y faciendo al mió modu comparances,

Co la idea p´Asturies siempre güelta,

Non topaba daqué qu´asemeyara

Lo que nella  entamó  la Onipotencia.

Y, antes d´eso, y allá  en miós mocedáes, 

Pe los montes anduvi á mió faena, 

Y al véme na más alta cuguruta, 

Abaxo el mundu, el cielu na cabeza….

¡Qué nonada tan grande paecía

Lo que facen los homes! ¡qué miseria!

¡Qué maxestá, Señor, yera la tuya!

¡Qué grande ví yo entóncies to grandeza!

Del  Aramu que tien la primer ñeve, 

Qu´ espolvoriast´enriba de la tierra, 

Faciendo  espayaderes de los aires, 

Y de les nubes fiendo la peñera,

Tempranino  miraba pal Saliente,

Y llonxe, medio engüeltos co la ñebla 

Finina, traslluciente y sonrosada,

Con qu´ el alba  se viste ansí qu´espierta,

Y pasando p´ent´ ellos los rellumos

Tristes, que entós da el sol  con so llinterna, 

Alzase vía d´Uropa  los xigantes, 

Faciendo á Covadonga centinela, 

Y allargando la sombra hasta mirase 

En el llagu d´Enol: vía el Auseba,

Que afuraca de Orandí á so la Virgen, 

Fondero, despeñándose allí el Deva.

Casi al frente, del llau de Colunga, 

Llevanta el puertu Sueve la cabeza, 

Que i dió á Roma los potros asturcones 

Que subín de rodíes una cuesta.

Allí baxo tá el monte de Naranco,

El que engarzáa llabrói el Rey Ramiru,

Desque llimpió de Asturies la vergüenza.

Y al par d´ella aquel utru blincu de oro

Del Santu San Miguel, del que con pena

Güelvo tristes, muy tristes, los miós güeyos

De ver que de sí mesmu ye güesera.

Y mirando pa entrambos t´ allí Uviéo,

Al  que i punxo quiciabes Don Fruela

El cercau non más, pos ya Santiago

Nelli el primer discípulu escoyera;

Que ansina, nel Pilar de Zaragoza, 

Un vieyu pargamín  hay que lo reza.

A miós piés ta el Monsagru con so ermita,

Que nos siglos sirvió d´escondidiella

A les Santes Reliquies, qu´en Uviéo

Todu el mundu cristianu reverencia.

Pel Poniente hay les sierres de Bedures, 

Qu´el feniciu furó la vez primera, 

Y, tras elli,  el romanu que sacaba

Co les venes de sangre, de oru vena.

Entovía se atopen les migayes 

Per un llau y per utru, y per Navelgas;

Y baxando pel río á Cornellana

Cuéyenles los paisanos nel arena, 

Que mezclen con el zogue y dempués llaven

Regolviéndolo xuntu nuna duerna.

¿Qué tó decir de Cangues, nin de Pravia

De les Luiñes, Caranga y de Teverga;

De Grao, de Quirós nin de Proaza,

O sitios qu´ endayuri el güeyu viera?

Yo non tengo palabres  pa explicallo, 

Y déxolo p´algunu que más sépia.

A lo llargo, mirando pa Castía, 

Está la enrevesada  y alta sierra, 

Que allega dende el mar de Meudía, 

Espurriendo los piés, á Finisterra.

¡Y pel mar!…. Dexarelo pa utru día,

Que sinón va  llevame muncha xera, 

Pos falta por falar lo que Dios sabe, 

Ó quiciás  se me acabe la pacencia.

Ente montes y montes, tantu valle,

Tantu ríu se atopa y arboleda,

Tan hermosu, cad´ unuu pel so estilu,

Que si dan á escoyer náide escueyera.

¿Quién ye el que pintar puée el Paraísu,

Que dende Sobrescóbiu á San Estéban, 

Quier dicir, desque naz fasta que muerre,  

Per ú pasa el Nalón con so agua riega?

Aquí mansiquin  cuerre per un valle, 

Allí furó una bóvada na peña, 

Acá fierven y gufen los rabiones, 

Allá, si un peñadal el sitiu estrencha,

Ó encuéyese y apierta un poco el pasu, 

Ó, chando golfaráes, salta juera.

Más abaxo y abriéndose en dos brazos,

Una isla, pa xanes, nellos dexa,

Mientres d´aqui y d´allí más rios baxen 

Á xuntase con él á la carrera.

Da nun llau les truches regaláes,

En utru les anguiles y llamprea, 

Acá cría á montón esguinos rales, 

Les traínes, allá, de salmón llena.

Y dodo ello ente un agua cristalina,

Que cuanto hay fasta el suelu trasparienta,  

Y arrodiáu de praos, montes, cases,

De espesura y verdor per cada vera.

Aquí yera el cantar, aquí el riíse, 

Si el riíse y cantar de dicha e seña, 

Pos aquí tóo canta y rise tóo, 

Flores, páxaros, aire, cielu y tierra.

Les fontes están  siempre marmullando, 

Al gorgolar el agua de la peña, 

Y los páxaros van de rama en rama 

Cantando sos amores en so llengua.

El regatu paéz que canta y llora, 

De guixarru en guixarru y piedra en piedra, 

Y les rames abáxense á besallu, 

Falagándoles él á la carrera, 

Y dándoyos un besu en cada pómpara, 

Que al xuntase con elles arrevienta.

Enriedáu con unes y con otres, 

Paéz qu´apara un poco y arrepresa, 

Pero enseguida esmuzse callandino,

Por utres  más abaxo tan na espera, 

Y á tóes elles quédenyos pingando 

Goteres como llágrimes que is dexa.

El aire suaviquín y gasayosu,

Agua arriba, agua abaxo, les ximielga,

Y á poneles pingando y á secalles 

Celoses un del otru van á tema.

Rí que rí, sin parase   á tomar fuelgu, 

Tan  los grillos cantando na praera,

Galana co les flores á  millares, 

Que non más que la mano de Dios sema.

Per escayos y sebes ropielláos 

Campanines, villortos, mariselva,

Ente piñes de amores negres, roxes, 

Que á miel saben, coídes pe la fresca;

Del cenoyu, el oriéganu, ortelana,

De todo ello, faciéndose una mezcla, 

Arreciende un golor que…. non se sabe, 

Pero l´ alma adorméz y el pechu enllena

A la vera del río,  en que una nasa 

Del cañal al remate truches  piesca, 

Remangáu el calzón á los cadriles,

Un rapaz corta un ramu de salguera, 

Y sacándoi con maña, en sin quebrásei 

El cañutu que sal de la corteya,

Ígua arteru un xiblatu con que toca

Al compás del sonsón de la  reguera.

Disti sen, á la sombra de carbayos, 

Apeluquen les vaques herba fresca:

Si echa el mozu que llindia, una tonada, 

Arruxíden i de utra carbayera, 

Y apórfien á quien más y meyor canta, 

Sonsañándose el son y la cuarteta.

De utru sen, p´ ente espesos castañales, 

Que cada ún tién un bálagu de fueya, 

Sonen gaita, tambor y volaóres

Que fan en sin querer alzar la pierna.

Ye que van con un ramu de seguío,

Nin sé si pa Llugás ó pa la Cueva, 

Non fechu de rosquíes y panoyes, 

Sinón qu´ el ramu ye de una nuviella, 

Galana, roxa, llúcia y encintada,

Y tá ye poco pa quien ye la ofierta!

Cuesta arriba blincando van les cabres,

Tosquilando llambiones la mortera;

Y ansí que oy´ el mozacu que les cúria 

Nutru escobiu ruxir dalguna llueca, 

Desataca el zurrón  que trai na espalda, 

Saca d´elli torcía turullera,

Da un toquíu  qu´enllena les cañáes

Y atendi si dalgun i da rempuesta.

Per encantu, ó non sé qué tién el cuernu,

De sos coses, sin vése, dánse cuenta 

Con tal arte, que ye una maravía

Que naide, á non oíllo, lo creyera.

Ello ye que pel llanu, pe los altos, 

Per el ríu, pel monte y per uquiera,

Fáiga el llabor que fáiga el aldeanu,

Que trabaye pa sí, qu´ esté de andecha,

Tempranino, de nuechi, al meudía,

Qu´el mundu té regüeltu ó quietu estea, 

Atentu al so llabor, él  siempre canta,

Ó satisfechu ó pa escorrer la pena.

Si detrás de les vaques parezoses 

Regolvi col llabiegu fonda secha; 

Nel sallu, cuando rinquen el morgazu, 

Ó arralando el maíz cuando se arrienda, 

Ó al siegar el narbasu y facer cuques, 

Ó co la esquirpia de panoyes llena, 

Ir delantrón los gües, guiada  al hombro,

Y colgados en cruz los brazos nella, 

Aunqu´entós el cantar ye aición de gracies 

al Siñor que i dió bona collecha.

Cuando texe les riestres na esfoyaza,

Ó, esbillando, el tarucu llimpiu dexa,

Atentu al so llabor, él siempre canta 

Ó satisfechu ó pa escorrer la pena.

Canta cuando pel sol del meudía 

Co les mesóries les espigues piesca.

Ó na era á dos files con manales 

Máyales al compás y suelten la erga, 

Y cuando la rabila y les muyeres 

Bañen la escanda y en sin poxa queda.

Y canta al cabruñar el so gadañu,

Con que braciando los marallos siega;

Y al  montonar la herba nos varales,

Y enllenar la  tenada desque seca.

Y canta al xurrascar los castañales, 

Que tienen  los oricios boca abierta;

Y dempués de demelos, al xuntalos 

Pa que ablanden los pinchos en la cuerra.

Y canta cuando tá mayando llino;

Y canta si lo  espoda y lo rastiella; 

Y canten les mozaques ena fila

Cuando están esmesando pe la rueca.

Y al coyer la mazana y al pisalla,

Y al dar güeltes al fusu que la apierta,

Y al enllenar les pipes co la sidra,

Mezclándoi torcipié pa dai más juerza;

Entós y´ el ijujú y son los cantares

Pos anda la zapica muy lixera.

Cuando fái un magüestu también canta, 

Y na danza que se arma na foguera 

La víspera de un Santu, ó de la Virgen, 

Ó de la so Parroquia al ser la Fiesta.

Allí y´ el repicar de les campanes,

Y el tambor y la gaita dir á tema;

Allí y´el quemar árgomes á carros, 

Y de un llau y del utru, co la trienta

De fierru,  regolver los fogarales

Que á la roidiad´allumen media llegua.

El fumu, les llapiáes, les povises, 

Que cada una paéz que ye una estrella,

Retórniense pel aire, y hasta el cielu

Pón roxu el incendariu que allí  quema.

Y dempués, al danzar na romería, 

Canten unos  delante la cuarteta,  

Y arresponde el xentío de la danza 

Cantando la Bendita Madalena.

Por cantar há cantar también el carru

Que hasta tién en la exe  cantaera;

Y si non canta bien, non ye de pasu,

Nin  arranquen los güés, pos tienen pena;

Y anqu´ ellos á dengunu lo cuntaron,

Tiénlo el home chantao na mollera.

A la postre el cantar tamién se acaba, 

Que nel mundu no hay cosa que non muerra;

Pero el que canta entóncenes y´ el cura 

Por el alma del muertu. En Gloria estéa. 

Juan María Acebal.-