Ronderos (Quirós)

Textos:

-¡Tou en baldre....! (Histórico)

-El rosariu.

-Non hay bien que siempre dure.

-Disparidad de criterio.

-Rústica marullería.

Ronderos. Lugar de la parroquia de Nimbra (Quirós). Cuenta con una población de 23 habitantes. Está situado en la orilla izquierda del río Ricao, a una altitud entre 620-650 m , al pie del pico Ronderos a 5,8 km de Bárzana. Hubo albergue de caminantes, aún en funcionamiento a fines del XVIII y una ermita dedicada a la Virgen Soberana. 

¡Tou en baldre….!

(Histórico)

-Güenes tardes, siñor cura,

-¿Qu´hay, Teresa, que milagru?

-Non, dengunu; vengu ´velu

pol “aquél” del mió rapazu

que me fó co la monserga 

de que, non se per qué diañu,

diz osté que ya non pódie

comulgar agora en Mayu,

cuandu el neñu de Rifela

y el sobrín del metrinariu

y utrus mas piqueños qu´elli

que se tan aperparando…

Y yo dígoi, don Demésio,

qu´iso  … ¡vamos a dexalo!

¡Ye mester  de que acomulgue

pos, ya tien  abondos años

y non va dir pal “serviciu”

como fiyu de gitanu,

sin complir co los percéutos

que mos manden que complamos…..

Endechas,  que ya tien fechu

dend´hay  tiempu ´l traxe blancu

y non ye cosa ´que encueya 

perque, a parte´ser muy caru, 

non to  yo pa esmoliciones,

que pasé munchu trabayu

pa facemi  con recórties

y algamar a entamangálu

d´una sábana de llenzu

y un camisu del mió Pachu…..

Conque asin que… ya lo sabe!

-Si, muyer, perú…. no hay casu.

Guarda bien el traxe ´n arca

y percura non moyalu

pa que non i quede cúrtiu,

perque pázme que nesti añu

non i va prestar pa ñada…….

-¡Comu que non vá, caraciu?

-Comu que non, Taresina;

mas qu´eches isos pecados

non pué ser, en tan i mientres

que non sépia ´l Dotrinariu……

-¡Si lu sabe de cabeza

sin parar, de cáu a rabu!

-¿Quián lo dixo, né?

-¡Yo cordia, 

que i lo tevi  despicando

pa que non se i oblidase!…..

-Pos,  tenés qu´arrespasálu;

y cuidái  non falten fueyes

o pasédesles de llargu,

como páz que vos aporta……

…………………………..

¿Si, non pongues cara ´plasmu

que, ent´ayeri xustamentes,

entruguéi al to bigárdiu

lo qu´hay n´Hostia Consagrada,

que nel llibru ta bien claru,

y dempués de tar dos hores

sorbellando los mocayos

y mirando pa les ñubes

co los güeyos remellados,

aspetóme:- “Que la Virxen!…..

¡Arreniego de los diaños,

que pollín!¡Cuantes lu vexa

non i dexo  güesu sanu!

-Non, con iso ñada fayes.

Lo miyor  será enseñáilo 

sin frañái delguna cosa

que te quede fechu ´n trapu,

pos dempués……..

- ¡Manque me quede!

¡Home, crer qu´en l´Hostia ….. Vamos….

co les veces que yo i dixe

al pegazu de mazcayu,

que lo que s´afaya n´illa

tremináu el enconsagru

son les “Animes Bendites”!…..

¡Ay, non, mialma que lu estrapo!

Mas cuentiquinos del escañu. Antonio García Oliveros.- 

-El mundo es el enemigo del hombre y por ello debemos huir de él y de sus tentaciones, de entre las cuales sobresalen  las diversiones y los placeres que son como  trampas que conducen al hombre al pecado y a la condenación eterna:

“Porque muchos hay que piensen

que solo en el mundo están

pa correr, pa divertise

pa comer y pa ´ngordar,

pa dar gusto a les pasiones

y sin medida gozar.

Y pasen así la vida 

y nunca quieren pensar

que ios aguarda después

y en qué vendrán a parar”

……………………………………………

y total lo d´esti mundu

desfáise como ´l fumeru,

y non dexa entre les manes

más que muy triste recuerdu. 

Y el diablo que sabe muncho

como quier cazar les almes

pa llevales al infiernu

pinta los goces del mundu

con colorines de cielu.”

“Que lo que s´ha de querer

y buscar con más anhelo

non ye gozar d´esti mundu

nin en él poner el afeutu,

al contrario…. hay qu´odialu

pisalu  y aborrecelu

porqu´ el mundu y sus pasiones 

son cosa de munchu pesu

que si carguen sobre ´l alma 

non la dexen tomar vuelu

p´arriba, como ella quier 

por ser nacía pa ´l cielu, 

y la facen abaxar…..

más abaxo del infiernu…”

Sociedad y literatura bable (1839-1936). Miguel Ramos.-

Esto era un matrimonio que ella trabaja, ya él era algo fato. Ya corriérase  por allí  que un hijo que tenían que era hijo del cura.

-¿Nun sabes, María, que el nueso Llourienzo dicen que yá hijo del cura?

-¡Ay, non, eso sí que non!¡Eso nu lo consiento! Déjame a mi ver al cura. Si me llevas al hombro  el domingo-porque ella nun podía andar- voy  allá ya voy canta-y las cuarenta. 

Ya fue allá el domingo. Y cuando el cura sal a decir misa, diz ella:

-¡Ay, cura, curín,

barbas untadas del miou toucín,

faldas del miou lienzo,

padre del miou Llourienzo,

ya de los outros dos tamién,

y el burro que me trajo,

que me vuelva a llevar otra vez!

…………………..

-Si me llevas al hombro a ver al cura, ya le arreglaré yo las cuenta a él. 

Y decía:

-Cura, curinos,

padre de los mios neninos

furador de mis nalgas,

comedor del mio tocín,

¿por qué llamas al mio home 

cabeza de carneiro mochín?

¡Júrote pol burro que me truxo

y que me vuelve a llevar, 

que al  mio home

nu-y los volverás a chamar!

“El Rosariu”

Desde entoncenes acá

Prebóse que ye ´l rosariu

Un amuletu que dá 

Sosiegu nisti calvariu

Y atroca la gloria allá.

El probe, que xime y llora

Na miseria, si lu reza

De la Virxen redentora

Algama ´l bien que l´mplora

Delixente y con presteza.

El que na cama tendíu

Llagau y fechu  una plepa

Tou él ye un puro quexíu

Si á so madre tienru increpa

Co ´l rosariu tá valíu.

Y el pecador que doliosu

Ente penes se ximielga

Y en sin puntu de reposu,

D´elles saldrá si afanosu

Con el rosariu se fuelga.

¡Ay! Cuántes diches llogró, 

Cuántes llácares curó,

Isti rosariu fecundu,

Fexo ´l más bienes en el mundo

Que gotes ´l orpín semó,

Por eso en tiempos meyores

Nunca desapartau yera 

Nin de probes nin señores, 

Y como perseu d´amores

Trienlu ena faltiquera.

Y hoy que está ´l mundo más talu

Que denyure, ¿qué facemos?

¿Non hay modo de curálu?

No hay melecina pa ´l malo 

Y ansina nos morreremos?

Non, que la Virxen ta ´n cielo 

Y xime como ximia

Al pié la Cruz fondu duelu, 

Y non ye uteri, non, so anhelu

Que damos pan y alegría.

Quier que ´l rosario i recemos,

Illa fará lo demás.

Jorge Suáres de la Riera (1861-1901)

“Los nuevos babillas”. Enrique García Rendueles.- 

No hebia perque ´smolecese….

Depués d´esmorgá ´la cena

y acuriosar pe la cuadra

y dexar el carru iguáu

pa sortir pe la ´lborada;

y el cadiellu baxu ´l horru

y a los vieyos e´na cama:

Amató ´l candil Remiciu,

chó manu de la verdiasca

y entamó pel carbayedu

camín de cá ´la rapaza.

Diba ´l home tranquiellando

pos, pel mor de la gurriana, 

taba la nuiche perñegra;

peru, conóz bien la garma 

y allá se foi anañando

pa non dar la focicada,

nin topar sergón sin fueya

metanes de la llamácia

que, non yera ná defícil

según lo que se ´svariaba.

Sortió, per fin, de la biseca

y, al colar cabu la casa

de “Manín el Sarapullu!

n´onde taben d´esfoyaza,

viendo llume ´na cocina 

descubrió  ver qu´aportaba.

Y p´allá tiró, sinqu´ende 

se atopase  con un alma

pos, taben todos enriba

trabayando ´na tenada….

Lu que vio, juénon dos potes 

corrompinaos de corbates 

y un macón cargáu de ñueces

y una goxa de mazana 

y, enriba de la masera, 

botelles de sidre “a manta”

Quié dicise… la garulla,

que taba ´lli perparada

pa rematu de la esfueya

y, qu´ amigu, dioi tal ñagua 

qu´escurrió de convidase

sin que naide lu brindara.

Y en menos que vo ´lo cunto, 

tremeciéndoi la quexada,

llegosi p´harcia los potes, 

garró ´l mas grande pel asa,

chó dos botelles al bolsu

y, en  tan melguera compaña, 

fuxó de ´lli á carrenderes,

sin que denguien lu ´sclucara.

Llegó pe la sienra ´lantre

metanos de cá ´l  “Fogaxa”

que tá averá ´nun requexu

devolando la collada,

col horru ´n pocu derriba;

y, como entos orbayaba, 

la casa  de la só moza

quedábai entá allonada

y, en tampocu yera cosa 

de ir p´allá co´la garata, 

metióse baxu  d´aquilli

p´ abellugar y rucala…

Y venga i zurrái al pote

fasta que ya ´mpapizaba,

y entóncenes un sorbiatu

pa qu´eslogase la pástia ……

Y güelta  a dai al dentame

y utra vez a la xarapa….

La custión ye, que, la pota 

diba quedando estripada….

Y aportó  que ´nesti  tiempu,

vió Remis pe la ventana

du ´n cuartu   que taba arrentes

del sitiu ´n  qu´il s´allugaba

(pos, como ´nantes vos dixe,

tá la cás algu mas baxa), 

qu´intraben p´allá dos moces 

a cual de les dos mas guapa, 

qu´empués de ciarra ´la puerta, 

chándoi  per dientru  la tranca

y engolá ´l candil de mecha 

n´un espetu so la cama, 

juénon, dando reblinquinos

de contentu, p´hacia ´l arca

y, sacánd´ unos pasemos

que yos trexo de la Bana

l´hermanastru qu´ lli tienen 

y hébia pocu qu´allegara;

prencipiánon a prebalos,

quitando cotiya y falda….

y tamien anguna cosa 

mas de lu que se rellata,

qu´a Remiciu, co les vistes 

escolgábai la babaya,….

A tod´ist´una ´les neñes 

aplastó viendo que taba 

la ventana toda abierta

y, al par que diba a ciarrala

dixoi al útra: -¡Recoya!

¿como non cierraste, chacha?

¡si llega ´pasar dalgunu 

facémosla bona, mialma!…..

………………..

-¡Non, dixo  ´ntoncias Remiciu

pa quitayos  ista escama, 

podédes seguir trenquiles

pos, na media gora llarga

que fai que tó yo  per ende 

nin vi que naide pasara!

Mas cuentiquinos del escañu. Antonio García Oliveros. 

Non hay bien que siempre dure.

Dirá facer del soceso,

que se rellata p´anicio

de más de mil semeyantes,

mui cerca  de medio siglo

pe les castañes serondes,

al madurar los oricios,

cuando allegó a la parroquia

mayor de Villsimplicio

de padre de almes el cura

párroco, don Agapito.

Non era, por referencies

de feligreses antiguos,

pozo de cencia el siñor, 

nin home de pergaminos;

pero  con todo y con eso

tomó tan bien el oficio,

que yera lo que se diz

el ídolo de los vecinos.

La manga de confesar

con todo ´l ancho  preciso

pa que colasen  por ella

les sacaveres y grillos

usábala todo l´año, 

lo que se diz de continuo,

sin apertar la jareta,

nin apurar el destingo,

a todos y a cada uno,

en sin tocar en lo vivo, 

nin espetar el sermón

de pública, tan preciso

pal fin de qu´el penitente

detenga sus apetitos,

y que desand´el camín

de los profundos abismos.

Aconseyaba pacencia

na misa de los domingos

al pueblo trabayador,

que tá non era el diablico,

diciéndoi que yera el cielo

el premio de los probinos,

tenín que atopar de juro,

al dar el postrer sospiro.

Les cuentes de los derechos, 

por bodes y por bautizos,

cobrables a los probes

sin apuralos. Amigos, 

decía, cuando pudáis,

que non ye palo  de pícaro;

y asín  quedaben contentos

y satisfechos, y vínlo

y cuasi  que lo  estrumiaben

al bon  de don Agapito.

Non yos pasaba la cuenta 

de funerales y oficios

de ánimes, mises, ecetra

si se trataba de ricos, 

hasta que diben pedirla

cuidando que fos olvido.

Y entoncies arrespondía:

Ya pagarán, un domingo…. 

un lunes….. cuando yos pete…..

en enrestrando el maizo….

cuando se pise la sidra 

si tan en sin compromiso;

y asina diba viviendo 

siendo de todos querido,

porque a cadún i dexaba

el que andiviés a capricho,

viviendo a sus anches todos, 

en sin andar con remilgos

el siñor cura con naide

nin con denguno y consigo.

Cantaba nes esfoyaces

co les rapaces a gritos;

cazaba co los marqueses,

y mayorazgos, y primos

de los señores del pueblo

a los ñarvatos y mirlos; 

rezaba co les cofrades

de San Antonio  bendito, 

y asín,  a gusto de todos,

llevaba don Agapito

la vida más sosegaa 

que si tuviés en el limbo.

Pintaba con el Alcalde,

cenaba con el Menistro

de la Xusticia, fumaba

cigarros de los legítimos

de Güelt´Abaxo de Cuba, 

que-i  los unviaben los primos,

los xenros y los cuñaos, 

los tíos y los sobrinos

de todos los habaneros

nacíos en el distrito

de la parroquia del cura

mayor de Villasimplicio.

Los güevos y les gallines, 

los tucos y los chorizos, 

entraven a tonelades 

en ca de don Agapito, 

como  regalos de Antroxo

de los cristianos vecinos.

Así de modo y manera

que taba nel Paraíso

el cura de la parroquia

mayor de Villasimplicio.

Mas como todo na vida

se acaba, como los figos,

llegoi al cura la hora, 

que todo llega en los siglos,

de que se-i vos guardabaxo

la mina del paraxismo.

Un día del Obispau

dixeron-i  por escrito

de que tuviés preparándose,

que diba dir el Obispo

a confirmar a los neños

de la melicia de Cristo.

El cura llamó al Alcalde,

y al Xuez y a los homes ricos, 

y Su Ilustrísima el día

de su llegad´al destrito,

foi  recibíu con la música,

con arcos y farolinos,

y tuvo una xinta en forma

con todos los requesitos.

Les antes autoridades

y los fidalgos vecinos

xintaron con Su Ilustrísima

y el cura don Agapito,

y todos aponderaben,

por enterar al Obispo, 

les cualidades del cura

en tono  tan efusivo,

que oyéndoles el Prelau,

asina diz que yos dixo:

Un cura que quieren todos 

y que non tien enemigos,

ye porque dexa que fagan

los feligreses el pino.

Non me convien esti cura 

que siga en Villasimplicio

un día más.  En la Braña

tien arreglau el destino……

Pos Cristo Nuestro Siñor, 

con ser el Bien Enfinito,

foi muerto y crucificau

como si fos un bandido.

Orbayos de la Quintana. José Benigno García (Marcos del Torniello).-

Disparidad de criterio.

Escaxina los arbeyos

y non retruques, Marcela; 

pica les berces y táyales

les pataquines de priesa;

atiza el fueu al estante, 

que ye menester que fierva

l´agua del pote, y entaina,

porque barrunto  que sea 

ya pa les doc´el tercero,

y quiero a les doce y media, 

en punto, qu´esté la xinta

como Dios manda qu´esta.

Garra la escoba de argañes, 

mió fía,  y barre pa fuera

la fabaraca y los pulgos,

que va venir del´andecha 

la xente que tá en Bañugues

embalagando la herva

Bulle, mió fía de l´alma,

pa que non falte siquiera 

nin  una pinta de nada

de cuanto ye de concencia.

Escalda bien les cuyares,

les olles y la garciella,

el cucarrón  y les trebedes

pa que tengan por fresca.

Has dir por agua temprano,

porque la sede, nin el Xudes

cuido que puede con ella.

Echa pasión  a los xatos, 

y espárcela  pa qu´esfrezca; 

cata les vaques y éstrales,

y tiende un poco de lleña.

Apila bien  el bericio

debaxo de la panera:

da de comer a los gochos

en cuanto puedas, na duerma,

meciendo co la fariña

los garitos que puedas, 

que abondos hai magurientos

en dientro de la masera.

Salvao non yos eches muncho:

dos embozades y  tercia 

ye abondo, así Dios me valga,

pa que resulte la cuenta.

Pon en remueyo la ropa

de la colada, na´cieva, 

coo la llexiga que atopes

en culo de la cazuela, 

y ve al molín, en un blinco, 

en busca de la molienda,

a por el fuelle mediano

de poco más de faniega. 

Siega dos paxos de vianda

na llosa, pa la nubiella

parida de tres semanes 

que da la llechi mosea; 

y non descuides la burra 

apastoriada na güerta.

Anda, ximiélgate, porra; 

que, mialma, ye abondo  llarga

la noche cuando se tercia 

pasala de claro en claro

como la pasa to güela.

¿Andes o qué, folgazana?

¿Qué aguardes, desobedienta

de los demonios? Avállate,

grandísima puñeflera, 

porque sinón……

-Sinón….. cuernos 

y pan pingao….. Po la juerza

cuida que soi una máquina

quiciavis de becicleta,

y quier a ver si arreviento

lo mesmo que una barrena

de les que hacen al caso

los piones de la cantera.

Parez mentira, mi má, 

que me atragante…..

-Marcela, non me retruques.

-Non puedo, 

porqu´el trabayo me afuega, 

en tan mientres vusté

tá dando la parpayuela

co les vecines….

-Aguarda,

desvergonzada, magüeta; 

que voi frayate los morros

col pico de la madreña.

-Ye boba o faise…..

-¡Repuño!

-Non tengo ganes de fiesta,

mi má, si ye qu´está lloca…..

-Voi  arrincate la lengua.

¡Ay qué demorro de moza!

-¡Ay qué barajo de vieya!

Orbayos de la Quintana. José Benigno García (Marcos del Torniello).-

Rústica marrullería

Por el caleyón abaxo

de Perlora pa Coyanca,

Pericón el de Maruxa

vien cantando la praviana

per delantre de les vaques, 

de la Pinta y de la Parda,

que xuncides  van tirando

por el carro de la vianda.

Los tenreros, les nuvielles,

la Garbosa y la Galana, 

reblincando van delantre 

de Perico que les fala

pal corral, porque se avera 

de la noche la somanta.

Canta el carro,  les esquiles, 

col repique  que acompaña

la canturria de Perico

van marcando la sonata 

con el paso casimente

del puntero de la gaita. 

Va contento Pericón

qu´ esmadreña  con cachaza

la llamuerga del camín,

cual si vos per una sala,

tan ufano, satisfecho,

fachendoso de so facha,

de su ficha, de su fecha,

que non sabe lo que-i pasa.

Trai colgando la zapica

del currión , y la guiada

traíla en riba del costazo

satisfecho de la traza

que se dan los llabradores 

que refaifen una cuarta

con los frutos de la tierra 

que se vienden e´naplaza

por un precio tan enorme

como nunca se soñara.

Cuando apara de cantar

o de char una tonada 

fala solo y col ganao:

-Parta Pinta, parta Parda,

ten Garbosa, ten Morica, 

ten Cordera, ten Gallarda……

Pos siñor, así me salve

vamos vien. E na quintana

sobra todo, de magar

que, en dexándolo pa en casa 

lo que abonda y otro tanto

pa que nada faiga falta,

tien un precio de cosecha, 

que,  me caso con mi alma,

hai que velo. Ye una mina

por entero la llabranza.

La fornada non se amasa de boroña,

que se fai de pan d´escanda;

y ha tar tienro, que sinón

casimente non se mazca

mas qu´en sopes y cafeses,

pel estilo de l´Habana.

Una pita val dos pesos; 

val un güevo un rial de plata; 

los arbeyos, les pataques 

y les fabes y la grasa 

tan sin precio, pa bandeles

a lo que un-i dé la gana……

Si esto dura tan siquiera 

siete meses y la parva,

micro yo la casería,

porque ´l ama tá empeñada,

según diz hasta los güeyos

casimente de la cara,

sin que algame pa vevir

co la renta que se-i paga.

Val bien eso  de la guerra,

con qu´el mundo s´esmigaya,

pa dalgunos. Los que muerren,

entarrándolos, abasta.

¡Viv´Asturies!¡Viva Cardo!

¡Viva el Valle!¡Viva Pravia!

Hai que char la de coyer….

¡Ixuxú….! “La Soberana.

Agora val el que tien; 

el que tuvo non val nada”.

Dexó el campo Pericón

de repente, por la causa

de que vió baxar al mérico

del conceyo pe la cárcoba

del camín de la Llosona.

caballero en burra blanca.

Hai vexigues; el dotor 

nin sosiega nin descansa;

nin de día nin de noche, 

casimente non apara,

y por eso vien el home 

de Tamón a la Llargozana.

-Diós te guarde Pericón-

diz el mérico.

-Si cuadra, el Siñor lo guarde todo

de la peste.

-¿Vas pa casa?

-Sí, siñor, ¿y vusté vien 

de visita?  Mucho gana 

cuando hai pest´ el cerujano; 

pero mialma lo trabaya.

-Si pagaren les vesites….

-¿Non i paguen?

-Home, calla.

Gana más un jornalero

cuatro veces, por semana,

que n´un año gana el mérico, 

aunque más enfermos haiga

que de payes el payar

tener puede cuando cuya

la cosecha  por entero de la erga.

-Vaya, vaya,

don Alfonso, por lo visto

tá el negocio noramala….

Non se faga  probetayo

que dengún-i pide nada.

-Ye tan cierto lo que digo,

Pericón, me caso en Sama,

como tres y dos son cinco

y dos medies una vara.

Mas dexando coses tristes 

que non valen una cádaba.

¿Tás ya fuerte?

-Sí, siñor,

y non tengo pa pagaila

entovía la salú

que-i la debo……

-D´eso, nada.

¿Cuál y´el xato, Pericón,

que xurásteme  na cama

que habís dame si quiciavis

de la muerte te apartaba?

-Home, mire,  don Alfonso, 

¿quier tentame?

-Nin migaya.

Son testigos los vecinos

de que dist´esa palabra.

-Non lo niego que-i la diera.

Puede ser,  que l´home fala

delidiando abondes veces….

Pero ¿dixe-i eso, mialma?

Taba malo por entero

cuando asina delidiaba.

Orbayos de la Quintana. José Benigno García (Marcos el Torniello).-

Añadir leyenda