FUTBOL Y GAITA (Diálogo en bable)

Futbol y  gaita 

Cuartu probe de una familia aldeana. Xuntu a la pared hay un arcón vieyu pa guardar ropa. Pe la ventana  vese el horriu  arrodiau de riestres.  Debaxu del horriu está un carru con  escripies.

PEPA  - Oye, Xuaco! ¿Pos qué diaños fais vestidu  de esi modu?

XUACO- Voy a xugar al futbol.

PEPA-¡Pos llévenme los demonios si te entiendo una migaya! Tú tás  m´s ciegu que un topu.  ¿De dónde sacasti  esos calzoncillos cortos?

XUACO- Pos yeran los mios llargos; pero  Xuanón de Sotrondiu que diz que ye  el capitan y el que allí lo arregla tou, dióyos un tixeretazu y mira como dexómilos.

PEPA -¡Mal diañu lleve a Xuanón, porque ye un engañabobos! El  futbol esi ye un xuegu pa rapazos  y pa mozos  que lu xueguen  dando coces y corriendo como llocos detrás de una pelota; pero tú,  vieyu achacosu,  ¿cómo quiés xugar  futbol  si de una pata yes coxu y en la otra tiés más callos que panoyes  tien el horriu?

XUACO- Tú non sabes de eso, Pepa;  soy vieyu, pero non bobu, y por eso en vez de botes  igual que les usen todos, que  tienen tacos per baxu pa non caese  de llombu,  yo púseme  les corices bien amarráes a mió modu, pos yo con coricies cuerro que non  me alcanza un raposu.

PEPA-Déxate de babayáes, que tiés que facer abondu con dir segar pación,  y llevar la vaca al toru.

XUACO- Yo quiero ser futbolista, porque de mí yo  respondo, y non mi pedriques más, que de lo que me propongo non me logra convencer ni  el cura con sos responsos.

PEPA- ¿Y quiénes más van contigo?

XUACO- De una ala va Celedonio.

PEPA- ¿Y cómo va si ye tuertu?

XUACO- Pero pa él non ye estorbu, porque  si non tien un güeyu,  con el otru lo ve tou.

PEPA -¿Y non va Antón “El Miruellu”?

XUACO - ¡Claru que va! Y Pin “El Tordu”, que aunque  tien les pates flaques como una blima en otoñu,  como el tordu mesmamente per otra parte ye gordu.

PEPA - ¿Y  quiénes más van, mio alma?

XUACO- Pos va  Braulio  el de Celoriu. ¡Y esi sí que tien dos piernes  que paecen dos pegoyos!

PEPA - Emburriaría  de mozu, cuando yo lu conocí gayasperu y fachendosu, que hasta mi fixo  unos versos  un añu allá per Antroxu; pero agora ya non sopla, ya no i queda ni el rescoldu.

XUACO - ¡Ya non mi lu  desprestigies que non ye delgun  centollu!

PEPA - Ta güenu,  sigue nombrando.

XUACO- Va el tíu Vicentin  el Sordu.

PEPA ¿Y de qué va?

XUACO De  defensa xuntu con  el tíu Teodoro, pes siempre  fueron parexa  dende cuando yeren  mozos.

PEPA -¿Esa ye toda la lista?

XUACO -Non, muyer,  porque son pocos. Va Bautista el ferreteru xuntu con Paulino Coto, pa acotar a los contrarios y que non  faigan  retobos.

PEPA- ¿Quién más? 

XUACO - Fructuoso el polesu. ¿Esi que fala  tan roncu? ¿Y pa qué diaños lu quieres si hasta dicen  que está tochu de tanta sidre que bebe?

XUACO- Verdá ye que empina el codu; por eso va de porteru, porque diz  que ye muy cómodu, y mientres  que la pelota anda desde un llau pá otru, tien tiempo a dormir la chispa, y hasta roncar como un gochu.

PEPA -¿Non va Valdés  el yeseru?

XUACO - ¡Y Sinforianín!

PEPA - ¡Demongriu!

XUACO- Va Sergio el de la Manjoya, que tirando a gol ye un llobu.

PEPA -¿Y quién más?

XUACO - Julio el gaiteru.

PEPA - ¿Y de qué va esi panoyu?

XUACO -Creo que de “rieferí”,  que ye el que lo ordena  tou; nomás que en vez de xiblatu, cuando haya un  “penalty”o un  “corniu” diz que tocará el punteru.

PEPA - ¡Ay, mal añu pal demoniu! ¿Váes xugar futbol  con gaita? Eso, si non me equivoco, ye  “blasfemiar” contra Dios, y si tú yes un devotu de la gaita, como yo,  debes de ponete foscu  y evitar el sacrilegiu.

XUACO-Non, Pepa,  yo non me opongo. El gaiteru ye muy burru, conózcolu  bien a fondu, y si mi da un cibiellazu, de mi non queda ni el polvu. ¡Déxalu tocar la gaita hasta que se hinchen sos morros!

PEPA - ¡Pos non, Xuaco, non lu dexo; la gaita  ye de nosotros  y non  debe profanase en esos xuegos llocos, que la gaita, a los de Asturies, nos llega muy  a lo fondu!….

XUACO - (Sin darle importancia)

La gaita ye pa bailar.

PEPA- ¡O  pá llorar,  qué demongrios! ¡Munchos  al  oirla  ríen  y yo al recordarla lloro!

(Llora  Pepa,  Xuaco la consuela casi llorando también)

XUACO- ¡Non llores, Pepa, non llores, que yo de mí non  respondo, y como sigas llorando yo voy  a  soltar el mocu! Dimi  que quieres que faiga  y lo faigo  sin retobu……

PEPA -(Transición rápida) ¿Tú yes  asturianu, Xuaco?

XUACO- ¡Pos ya lo creo  que sóilo!

PEPA- Pos si yes buen cristianu, hoy tiés  que cumplir mio antoxu, y en vez de ser futbolista vas dexar  esi alborotu y plonete esta ropina  de cuando tú yeras mozu.

(Saca del arca un traje asturiano)

¡Ponte estos calzones, Xuaco!

XUACO- Está günu, me los pongo. (Mientras, ella le pone el chaleco).

PEPA- Agora, ansina, el chalecu, y la chaqueta  en el hombru.

XUACO-¿Y qué más quiés  que me ponga? Yo, por tí, me pongo tou!

PEPA - ¡Esta montera picona!

XUACO - (Poniéndose mal la montera) ¿Ansina……? 

PEPA- ¡Xuaco,yes bobu! ¡Con el picu para abaxu como cuando  eras mio noviu!

XUACO- Ye verdá, se me olvidaba.

(Contoneándose fachendosu) ¿Qué tal me veo?

PEPA -¡Preciosu! ¡Con esa ropa, te xuro que hasta te ves más airosu y hasta les moces por ti se van a tirar del moñu!

XUACO -¡Pues claru,  yo non hablo pe los codos!

XUACO ¡Con esto que me dices, Pepa, talmente me siento otru, y non soy futbolista  aunque se enfurruñe  el  “Tordu” y se acalambrie el “Miruellu” y Xuanón  el de Sotrdondiu! Y agora vamos tú y yo…..

PEPA -¿A dónde vamos, buen mozu?

XUACO -¡A buscasr a  “Candolías”, que pa mi  ya llegó Antroxu!¡Y  voy bailar contigo hasta que me güelva llocu y ande  con la llengua fuera igual que un perru rabiosu!

PEPA -¡Eso; que viva el mió Xuaco, la flor de los buenos mozos!

XUACO- Non, que vivamos los dos; ¡pero Asturies sobre tou!

TELON.  

El tenorio asturiano.  

Antonio Martínez Cuétara. Ribadesella 1888.  

Angel Rabanal.-